豐田 Prado SUV極豪殺到

越野車款一向都有一定捧場客，貪佢外形夠 Man有霸氣，啱晒一眾潮爆型男。市場有潛力自然有新車上場，新一代豐田 Prado越野SUV就係其中之一。據講呢架全新Prado不但豪華設備升級，更特別配上多項高科技智能系統，包括多角度監察系統、定速蠕行系統、路面狀況選擇系統及電子控制動態懸掛系統等。聽都未必明係乜，一定要等佢到港親身玩吓試吓再話畀大家知。其實早前已經有水貨行搶先引入日版，今次輪到香港豐田代理出手將呢架頂級豪版越野車運到香港，唔知到時有無驚喜呢？