[url=] [/url]
上周六晚可算係歐洲三大聯賽冠軍日，英超、意甲、西甲三大聯賽先後決出冠軍，球迷梗係即時陷入瘋狂狀態，全面投入慶祝。不過風光背後，曼聯都算係最掃興一隊，事關奪標功臣泰維斯疑似告別激起「紅魔迷」公憤，賽後奧脫福門外鬧事要求挽留「泰仔」搞足兩粒鐘，認真冇癮！
「紅魔鬼」曼聯歷史性第十八次頂級聯賽奪標，照常理梗係皆大歡喜，偏偏奪標慶功就有多少阻滯，有唔少球迷為逼曼聯董事局買斷「野獸」泰維斯，賽後場外爆發小騷亂，泰維斯仲換埋阿根廷波衫先慶祝，誓同曼聯劃清界線。
當有記者問到佢係咪會走，佢竟然回覆話：「或者！」唔少球迷觀眾席上已經舉晒紙牌公開挽留，但見到領隊費格遜無動於衷，賽後仲走去奧脫福個總監出入口鬧事兩粒鐘，消息話呢班泰維斯支持者除掟玻璃樽，仲有倒晒啤酒落地添！體育總監基爾事後惟有補鑊承諾，歐聯決賽後會解決到呢個問題。
| 
發表於 2009-5-18 09:46 AM
| 
