掛上「小先鋒」的名號，又未必一定令人神憎鬼厭，例如話綠色環保小先鋒卻有不少人舉腳支持。從01年推出便被冠以慳油王稱號的本田 Jazz，早兩年為滿足車主對力量的需求，改用過齒輪波箱版本。直到今年再次以慳油為目標，重新採用無段變速波箱之餘，更獲得政府環保稅優惠的肯定。
重新採用 CVT波箱本田 Jazz被譽為環保小先鋒確不為過，即使油價不斷攀升，身邊駕駛 Jazz的朋友不時話油耗只有$0.8-$1/km，筆者有朋友更配合「輕功水上飄」方法，除減少車廂雜物降車重，每次更只入半缸油，未到緊急關頭都唔加油，咩叫緊急？試過電腦顯示剩下的汽油只能行走3公里，夠誇未？可見 Jazz的慳油潛能極高。
今年版本的 Jazz，重點在於重新採用 CVT無段變速波箱，據有關的研發報告顯示，無段變速波箱由於不是靠齒輪傳動，變速的原理與齒輪波箱有非常大的分別，減少了齒輪運行時產生的阻力，從而有更多的動力傳送到輪胎上，以達致慳油的效果。所以即使新車採用1.3公升直四 i-VTEC引擎，依然能夠輸出100匹馬力。同時，輪圈改用了細一吋的175/65R15，雖然車重較五前速自動波版高30公斤，總重量為1,020公斤，但無論駕駛的靈活性及加速反應都輕微提升，根據日本 JC08模式測試，油耗為20.9km/L，以現時油價每升$16.61計算，每公里油耗不用$0.8，仲唔係環保小先鋒！
車廂設備更為實用單憑外貌，的確與07年面世的第二代款式一樣，車身尺碼3,900×1,695×1,525mm，車廂依然擁有無敵的巨型天幕頂。不過作為本年度的新款 Jazz，又豈可完全無新意，對車主而言，最直接的享受便是改用無匙點火系統，方便車主啟動引擎，不需左尋右找車匙，更在司機席旁的車門追加門鎖開關系統，只要車匙在身、走近車旁一按便開門，認真方便。此外，中控台上的音響系統由以往嵌入式原廠機頭，改用上 Kenwood多功能機頭，可播放 CD、 MP3等，騰出來的空間，更可讓車主安裝其他裝置，實用好多！
HondaJazz1.3EXN
引擎：1,339直四 i-VTEC
馬力：100PS/6,000rpm
扭力：13kg-m/4,800rpm
傳動： CVT無段變速
售價：$169,880起（已扣環保稅）
|
發表於 2012-7-28 08:17 AM
| 
發表於 2012-7-29 01:09 PM
|