捐建學校被拆除　港人愛心付流水

納稅人啲錢真係使得冤枉！立法會一幕拉布鬧劇，日日燃燒公帑一百萬；高官一聲瘋狂加薪，庫房一年最少又唔見幾百萬。議員不務正業，高官尸位素餐，庫房就算有金山銀山都唔掂啦。! y. U8 S; ^+ D& ?: G$ Q

即係咁，納稅人血汗錢攞嚟供養政客貪官，固然使得冤枉，但就算做善事，如果用不得其所，一樣同倒錢落鹹水海冇分別㗎咋。大家知啦，港府出名係敗家仔，浪費公帑唔使擇日，呢嗱，眼前又有一個活生生嘅例子。公仔箱論壇6 ]( D* a4 M, h w2 @( Q4 R1 P: Z9 d
事情係咁嘅，四川「五一二」大地震啱啱過咗四周年，港府承認有份資助興建嘅汶川綿陽紫荊民族中學，啟用不足一年，居然被徵地改建為地產項目。學校變廢墟，愛心付流水，你話係咪冤枉吖？係咪倒錢落海吖？公仔箱論壇$ }9 i1 C5 m& W1 |7 E
港府慷納稅人之慨，真金白銀資助四川興建學校，冇人會反對，問題係，學校嗰頭起，呢頭拆，唔止浪費資源，直情係搵香港人笨喇。港府急急補鑊，聲稱係兩地協調上出現問題，考慮要求收回二百萬捐款喎。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。4 C, W. b1 ^9 R4 L3 A6 h+ v
捐出嘅錢，等如潑出嘅水，港府追唔追得番捐款，大家都唔知，淨係知港產官僚又失職。援助四川重建，用嘅係納稅人嘅錢，港府居然捐完就關人個關，不聞不問，依家先至嚟追數，遲唔遲啲吖？
冇錯，四川震災係中國人嘅傷痛，血濃於水，香港人做善事無問題。但係捐款必須用得其所，咁至可以真正幫到災民，唔會辜負港人嘅愛心。港府敷衍塞責，對援建項目闊佬懶理，疏於跟進，簡直不負責任。見微知著，港府監督援建項目，根本係豆腐渣工程，有名無實，形同虛設。話時話，除咗呢間學校之外，仲有冇其他浪費捐款嘅混帳，根本冇人知。, G# ]. E e: g* w/ `
港產官僚慣咗洗腳唔抹腳，等功夫茶提醒港府啦，香港總共投放咗九十億元支援四川重建，數目唔細，唔該睇實啲啦。尤其係內地貪官橫行無忌，賑災物資被侵吞嘅醜聞此起彼伏，萬一港人嘅捐款被貪官用咗嚟買豪華房車、建豪華辦公樓，港府失威事小，港人受辱事大吖！
嗱，嚴謹跟進四川援建工程，既係對港人問責，亦係對四川同胞負責。早前多個香港援建項目被揭發安全標準未達標，空心磚造外牆又有，鋼筋嚴重銹蝕又有，令人嘆為觀止。夕陽政府冇心冇肺冇靈魂，連做善事都甩甩漏漏，小心幫人變害人吖！5.39.217.76) k. O1 Y% |, g& _4 v2 f7 s! D
一句講晒，港府捐款無監管，即係做敗家仔，即係對唔住納稅人，咁又該當何罪呀！

1 評分次數