私家賽道跑高半班？數據就的確如此！

年初三田草11場草地賀歲賽用C跑道，睇番最近1月9日同一移欄賽事多匹頭馬，不論是放頭之「肇慶威威」、守好位之「華恩庭」、抑或居中後上之「保羅威威」及「健康歡笑」，都在早段守於貼欄或二叠位置慳位慳力，走外叠非常蝕底，所以宜秤先預期能守內叠之馬匹。

今戰列陣馬中，第十場「揮闖」上仗正是於1月9日田草C欄賽事後上入Q，等番同一移欄再跑，並且回配前仗贏馬配搭莫雷拉，有力贏馬補中。另外，第八場「豈等閒」四次角逐田草C欄，取得一冠兩亞一季未失三甲，跑高半班，猶如其私家跑道，憑較佳場地性能，有力捧走一班1400米賀年盃。