領匯開股東周年大會，幾十人去示威抗議，自領匯上市以來，年年都見到起碼十次八次反領匯示威，大家習以為常，不當一回事。但今年陳婉嫻競選超級區議會議席，報名前旗幟鮮明咁講，要梁特首應承政府回購領匯，而另有一個領匯監察組又建議政府回購領匯25%，從討論公共政策角度、冷靜分析，回購領匯究竟有幾大成本！7 s# M X! T5 @8 J# p
（一）領匯係上市地產信託投資基金（Reit），最近價格計，每個基金單位市值約33.5元。以此計算，總市值係758億元，如政府動用外匯基金收購，當然有錢，但收購100%嘅話，基金單位價（下稱股價）一定炒上。例如最近政府一話5000名白表人士可以免補地價買居屋啫，十劃還未有一撇，已經「居者炒其屋」，居屋價急升，同樣情形可以發生在領匯股價上，政府要買晒嘅話，冇一千億元埋唔到單，只買四分一，都要二百五十億元。付出如此高昂代價，益咗邊個？
5 [9 x; I) j8 _8 W1 i（二）最大得益嘅就係領匯基金單位持有人（股東），領匯股東以退休基金，對冲基金為主，並非香港人，最大股東就係貝萊德集團（Blackrock, Inc.）、紐約梅隆銀行（The Bank of New York Mellon Corporation） 、澳洲聯邦銀行（Commonwealth Bank of Australia）、美國資本集團（Capital Research and Management Company），以上四大股東已持有近28.6%，故此香港特區政府用納稅人嘅錢去買領匯嘅話，最大得益者就係外國財團，並非香港人，外國人會賺到笑。
! H. N9 @3 ~$ c z. a2 Q) S5.39.217.76（三）將香港人嘅錢送俾外國人，有甚麼香港人得益？表面上，一啲回購派話會益咗公屋居民，理由如下：回購領匯↓所有商場恢復房委會管理↓減租或不會再加租↓租戶之貨物零售價可以降低，回饋客戶↓公屋居民好似2004年以前，享受美好房委會商場時光。上述推理，信不信由你，回購派就要納稅人相信，極其simple and naive。 |
發表於 2012-8-3 05:34 AM
| 