周一嶽係僭建黨 高官犯法再禍港

tyktyk22000

僭建僭建，又係僭建，成個政府都係僭建黨！TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。% _9 z4 Q% m; o0 L- F
公仔箱論壇$ i4 |% u/ @9 j! i4 h
最新一個被揭發僭建醜聞嘅高官叫做周一嶽，官拜食衞局局長。同佢上司曾蔭權一樣，呢一個食飽飯唔講究政治衞生嘅周局長，居然將自己名下物業嘅露台完全圍封，並無向屋宇署入則申請。你知啦，露台之所以係露台，原意就係外露吖嘛，你將佢完全圍封，傻嘅都睇得出業主有乜鬼企圖啦，就係擴闊室內空間，額外開闢百幾二百呎活動範圍。
6 Y; z+ \6 A1 J周一嶽嘅僭建物業位於港島加列山道十八號瑞燕大廈，原本面積都有二千八百平方呎㗎嘞，屬於巨無霸嗰隻，咁都要利用非法僭建開疆闢土，證明人心不足蛇吞象確係至理名言。同時亦證明，喺貪遍海陸空嘅曾蔭權領導之下，貪婪已經成為官場潛規則，你貪我貪個個貪，不貪不貪白不貪。僭建黨忠實黨員包括敗選特首嘅唐英年、作育英才嘅孫明揚、三點不露嘅李國寶以及各種關係錯綜複雜嘅達官貴人。家陣再加一個周一嶽，知法犯法俱樂部又多一位重量級會員。
, S( p% K) m$ R難怪香港城市大學專業進修學院學術統籌宋立功直斥事件匪夷所思，任期只餘兩個月嘅夕陽政府仍然再三爆出醜聞實在晚節不保，令香港陷入最黑暗時期。5.39.217.765 K& }/ @  z6 o, i1 R4 j9 F
正常嚟講，眼見達官貴人一個二個被揭發違規僭建，「唐伯父點收科」嘅醜聞主角更加因為地下王宮曝光而痛失特首寶座，周一嶽蠢極都應該知驚吖，點解仍然任得僭建物存在呢？計功夫茶話齋，有兩個可能囉。第一個可能，佢真係蠢到冇朋友，否則做局長咁多年都唔會撞板多過食飯，周周孭一鑊變咗周一鑊。第二個可能，心存僥倖博大霧，諗住任期只係剩低兩個月，而且冇得留低嘅機會高唱入雲，物業僭建或者會因為執包袱落台而不受關注。
5 \9 Z3 o  {  Q+ y公仔箱論壇之不過咁，天網恢恢，疏而不漏。再加上東方報業集團有鍥而不捨嘅求真精神，盡情發揮傳媒監察作用之下，有乜嘢牛鬼蛇神可以逃得出第四權嘅法眼吖！
2 r5 ^; t4 O) m嗱，唔係功夫茶認叻，由貪曾事件到權貴僭建，有邊一次唔係東方為民喉舌查找真相㗎？好彩香港仲有正義傳媒儆惡鋤奸咋，如果唔係，僭建黨之流嘅貪腐官僚早就將香港蹂躪到阿媽都唔認得。tvb now,tvbnow,bttvb; T0 Q9 N6 `1 I5 o
點都好啦，學金句王唐英年話齋，僭建就係僭建，違規就係違規，知法犯法嘅周一嶽麻煩閣下撥亂反正，即刻搵人回復原狀拆你屋。即係咁，禍港殃民都有個限度吖，在位期間尸位素餐都算嘞，家陣臨別秋波，拆你屋算係積番少少陰德。如果唔拆你屋，等於有法不依，香港遲早死於無法無天！