新手用G9的問題

haileymama

各位師兄/師姐:
我剛剛買左G9，之前都係用開Samsung傻瓜機，而家對住部有好多問題，麻煩各位師兄師姐解答一下。

1). 我用TV mode影親每張相都好暗，有d黑到咩都睇唔到，係咪我較錯左野呢? 另外我想問呢個mode有咩特別?

2). 我試過用手動對焦，中間部份放大左，而右邊就有條Bar可以調較，想問條bar係調較d咩？會有咩分別？而且手動對焦係咪一定要中央對焦，無得左右移動?

3). 有咩書可以介紹如G9的數碼相機的進階攝影技術?

麻煩晒各位!唔該晒!

塔倫天奴

1)) TV mode 即係快門先決...唔理你入到幾多光入鏡頭入面都係用呢個速度黎曝光...昏暗環境下自然會黑...呢個mode 一般係用黎影一ｄ高速移動郁動既主体...如：車、運動員...

2)) 果條bar 係對焦既距離顯示...影近野就轉動轉盤移近...最近都係1mm...超過5米範圍就可以推到最遠...所有遠過5米既景物o係推到5m就無須再對焦...

3)) 睇晒本說明書已經夠你無限受用