處理家暴懶懶閒 警方敷衍累街坊贏咗一場交，輸咗一個家，值得咩？答案當然係唔值啦，除非你精神錯亂覺得家破人亡係好過癮嘅一件事。好多賤男衰公四肢發達頭腦簡單，獸性經常凌駕人性，打老婆之前根本冇諗過值得唔值得嘅問題，打完後悔都遲咯。
; A7 X5 S1 X! b0 M4 h- Z+ Etvb now,tvbnow,bttvb' u, `$ A6 E) H/ r+ N
「關注家庭暴力受害人法權會」由去年十一月至今年三月，訪問咗一百零七名家庭暴力嘅女性受害人，結果顯示超過九成都係過埠新娘，七成教育水平係初中或以下，五成六冇工作。受害人九成四曾被精神虐待，七成四曾被肢體虐待，兩成八曾被性虐待，五成九曾企圖自殺。
1 \9 p6 F* I; X- a' u/ q6 k公仔箱論壇男人老狗打老婆已經令人髮指，調查數據仲有一樣嘢非常之咁得人驚，就係警務人員態度消極。七成受害人雖然曾經報案，之不過咁，當中有百分之十三話警方冇為佢哋落口供，六成冇安排檢查身體。另外咯喎，四成報過案嘅受害人曾被警方要求「決定要不要拘捕施虐者」，兩成更加表示警方令佢哋放棄控告對方，到頭來，不足一成受害人出席聆訊。
' z* E& q- |: i+ W呢嗱嗱嗱，警方處理家庭暴力嘅態度敷衍到極，好似拘捕施虐者咁吖，梗係應該由受過專業訓練嘅執法人員決定㗎啦，有乜理由將個波彈畀讀書唔多嘅良家婦女？假如處理強姦非禮案，唔通報案之後警察叔叔仲要問過身心飽受摧殘嘅受害人，先至決定是否拘捕變態色魔？唔好玩啦！- Y3 @. [% s, R+ |! c
警方對於家暴問題懶懶閒，隨時累街坊搞出人命㗎。大家應該唔會忘記幾年前震撼全城嘅天水圍倫常慘劇，不斷被虐打嘅新移民婦女親身走去警署報案，師兄師姐不但冇即時處理，而且叫佢獨自返屋企。返到屋企冇耐就出事嘞，賤男衰公唔止贏咗一場交、輸咗一個家，斬完老婆仔女之後自插一刀，企圖利用苦肉計擺脫殺人罪名，點知傷口太深失血過多，唔覺意自殘變自殺。經此一役，屢傳家暴嘅天水圍被稱為「悲情城市」。5.39.217.76/ E4 O* N6 @- \& U0 k
功夫茶清楚記得，事發之後受盡千夫所指嘅警方誓神劈願，話會改善處理家暴嘅手法，盡可能為受害人提供保護。可惜吖，講得出，做不到，幾年來毫無寸進，連拘捕施虐者咁基本嘅執法程序都要將責任推卸畀受害人。如果天水圍慘劇重演，而嗰一個冷血屠夫大難不死，好有可能逍遙法外，事關老婆都死咗嘞，邊個決定拘捕佢呢？' C# ~' X- r- |+ u5 M% E
計功夫茶話齋，好心一哥禿鷹曾偉雄檢討下啦，鎮壓示威者唔使咁兇狠嘅，反而鎮壓虐妻者就要重手少少。人哋報案你敷衍了事，變相承認自己係賤男衰公嘅同類啫！ |
發表於 2011-11-8 10:01 AM
| 
