[香港] 鬼節靈異事件的士撞邪急扭撞樹

每逢農曆七月特別多靈異事件，一個月黑風高之夜，有車cam拍得一輛的士在新界鹿頸行駛途中，突然遇上離奇白光，白光更直衝的士車廂，司機疑受驚急急扭軚，最終撞向一棵樹上。事件引起網民熱烈討論，有人認為白光的出現十分靈異，亦有人估計的士司機可能「撞到邪嘢」。

有網民於社交網站上載車Cam拍下的片段，事發於上周四(14日)凌晨，當時街道寂靜。片段開始，的士沿鹿頸向新娘潭方向行駛，至一個轉彎時，突然一束白光從的士左邊衝向入車廂，然後閃了數下，的士繼而失控扭軚，最終撞樹才停下。片段在此結束，未知司機是否有受傷。

不少網民直言不斷翻看片段，希望找出肇事原因。「山上面應該有人用電筒掃落嚟，我睇咗好多次，見到個白光係圓形的」、「外星人閃光入車廂」。另有網民指與靈異事件有關，「夜晚冇乜事就唔好去啦，好邪」、「七月又十四，鹿頸以前戰死咗好多車手架！」