利民紓困搞到怨聲載道，搵勻全世界睇怕只有香港先至會出現咁騎呢嘅怪事。功夫茶忽發奇想，到底香港呢一班庸官劣吏真係咁鬼死無能吖，抑或有人刻意破壞玩倒米？即係咁，如果你話撞板多過食飯但年薪大拿拿幾百萬嘅高官係弱智嘅，打死都冇人信囉！最近有兩件事真係愈諗愈耐人尋味，第一件事當然係財爺曾俊華推出預算案掀起軒然大波。呢個孤寒成性嘅官老爺巴閉咯，本來誓神劈願話預算案冇修改空間，一個屈尾十又可以大開方便之門人人派錢，殊不知派錢又派到烏厘單刀，億萬富豪有得派六千銀，反而朝不保夕嘅新移民斗零都冇喎，被批評為製造社會分化。好嘞，畀人鬧得兩鬧，新移民又有份喇，不過就要接受嚴苛到極嘅入息審查，合資格嘅入息不能高過即將實行嘅最低工資，你話係咪荒謬透頂吖？更離譜嘅係，當局居然將呢隻鑊卸畀關愛基金。所以咯喎，呢一個補鑊措施被批評為「分化再分化」。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。7 I: F/ Z8 q* k/ k& _
至於第二件耐人尋味嘅事，就係最低工資嘞。呢一項表面上惠及基層打工仔嘅政策漏洞多多，聰明絕頂嘅香港僱主聯合會第一時間搵到法律罅，佢哋登廣告公開教路，指出法例冇規定休息日及用膳時間必須出糧，提醒僱主喺五月一日最低工資實施前「採取適當行動」。簡單咁講，最低工資未必能夠令打工仔得益，反而可能加深勞資矛盾，令社會進一步分化。
# E: r0 o& K& GTVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。事業線就話引人入勝啫，法律罅不堪入目o架，既然有一條咁樣衰嘅罅，政府係咪應該堵塞漏洞呀？係咪應該提供指引呀？哈，勞工處一於闊佬懶理，淨係叫勞資雙方好好溝通，自己傾掂數喎。若然勞工處繼續闊佬懶理，最低工資遲早形同虛設，甚至添煩添亂呀！
# z5 Z9 M7 [% w5 OTVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。好嘞，講到呢度，大家係咪覺得港產官老爺無能到難以置信？管治混亂到匪夷所思？正正係難以置信，所以計功夫茶話齋，好大可能真係有人刻意破壞玩倒米。喂，如果港英餘孽唔去添煩添亂，點樣證明「英國統治永遠是好的、回歸中國一定是壞的」？跛腳鴨政府進退失據，未必真係有心無力，可能只係混淆視聽。隻鴨唔一定跛o架，球員詐傷插水大家見得多啦，官僚扮跛你吹得佢脹呀！! u4 A! I& v+ E m. u8 L
唉，計功夫茶話齋，無能而治固然令人悲憤莫名，餘孽治港更加令人深惡痛絕。安定繁榮居然變成分化沉淪，一國兩制長此以往肯定一拍兩散，香港遲早玩完！ |
發表於 2011-3-24 05:14 PM
| 