今日大年初一，「警鐘胸」Jessica C.（JC）跟大家拜年，祝大家蛇年行大運！為送龍迎蛇，她大膽與蛇「親熱」，令男友呷醋，故她笑言要練「蛇腰」氹番男友，並透露大派百元利是。
來港3年的混血索模「警鐘胸」Jessica C.入鄉隨俗，按傳統習俗慶祝農曆新年，還學足中國人一樣要講意頭！「小龍女」JC除了早前為迎接蛇年做Spa洗邋遢外，今日又趁蛇年大年初一谷行「警鐘胸」性感玩蛇，用行動來送龍迎蛇，希望人人蛇年行大運！
又摸又錫
JC平日大膽過人，但當「警鐘胸」遇上蛇時，即顯得有點驚慌，用手摸蛇都只是蜻蜓點水摸一下，然後匆匆縮手。其後她用手玩蛇時非常緊張，見手上的蛇四圍爬時，她不時向訓練員求救，不過不消一會，她已跟蛇變得熟落，又向蛇獻吻兼把牠當成手鐲戴上手，非常搞笑！她直言玩蛇時有點驚，因衣着性感，怕蛇會亂爬，「非禮」其「警鐘胸」，她尷尬地笑說：「之前都同過蛇合作影相，對蛇唔係太驚，但因為今次條蛇經常爬，怕條蛇會爬到自己個胸部同其他敏感位置，如果捉佢唔住嘅話，爬咗入去就冇人幫到我。」
今次與蛇「親熱」，JC表示事前已知會身在美國的男友Bryce Bond：「男友好錫我，因為大家分隔兩地，佢知道我玩蛇都擔心，叫我小心啲，仲成日提我記住影相畀佢睇。」
嚇親呷醋
結果JC把兩張照片給男友看時，除嚇親男友外，又令對方呷蛇醋，她笑說：「男友睇完相之後嚇一嚇，原來佢以為我只係喺蛇嘅旁邊拍照，冇諗到會同條蛇咁親密，結果不斷叫我發多幾張相畀佢睇，佢應該有少少呷醋，仲話冇下一次，擔心我有危險。」不過，她笑言游說男友蛇年來港一起玩蛇：「新年同男友分隔兩地，我都有叫男友嚟香港了解我嘅生活，仲講笑叫佢陪我玩蛇，但佢似乎對蛇興趣唔大，而且佢依家工作忙，都係過完年先算。」
愛情得意的JC提到蛇年願望，她笑言以蛇為奮鬥目標，要操Fit「蛇腰」綁實男友：「蛇好靈活而且好Slim，所以今年我要做蛇女郎，係男人都想女仔身形Fit，而且對工作都有幫助。」去年她不乏工作機會，新年留港的她計劃派利是給同事和好友，她說：「呢一年成績算唔錯，所以我打算派利是，每封100元啩，最緊要大家開心！」
影壇「響鐘」吸金
混血女模Jessica C.（JC）憑34C「警鐘胸」闖出名堂，身材火辣的她獲邀出席多個品牌騷及擔任代言人拍廣告吸金，廣告類型由內衣、護膚品、香口膠至美容院應有盡有，前年單是拍攝一防曬產品廣告即勁賺逾百萬，吸金力驚人！其實JC走紅後報酬即以幾何級數上升，由最初幾千元騷價急升至3萬元以上，廣告費用更以50萬起跳！她曾半年瘋狂吸金850萬元，並斥資400萬元在美國買大屋置業。談到蛇年的工作，JC透露會先放假休息一會，回港後將會主攻電影市場繼續敲鐘「煉金」，她說：「嚟緊除咗繼續接騷、拍廣告之外，放假返嚟之後就會開始拍戲。」
|
發表於 2013-2-11 12:07 AM
| 
thank you so much
