哎吔吔吔，點解曾氏宗親會成員咁死要面子㗎？點解死要面子得嚟又漠視民意㗎？人哋都話唔鍾意你浪費公帑亂咁申辦亞運咯，同姓三分親嘅一眾官僚硬係唔聽人講嘢嘅，簡直畀佢吹到啤一聲！
* |- V' i% n' b2 M4 Z- Y- B t. I* F+ ~" X# U9 z: A
呢嗱，一個姓曾嘅叫做曾蔭權，佢呼籲立法會議員以香港長遠利益為依歸，投票支持申辦二○二三年亞運會。煲呔曾話喎，明白反對人士嘅關注，不過未來政府對教育、醫療同福利嘅開支超過二萬億元，唔會因為申亞而減少，嚟緊嘅十二年政府亦會撥出七十億元加強支持運動，即使申亞不成功，開支亦唔會減少。公仔箱論壇 E# q/ @) {7 F6 o2 P' f% z# L
至於另一個姓曾嘅，係由始至終不斷硬銷「亞運概念」嘅民政事務局局長曾德成。德成局長喺網上撰文話喎，未來十二年投放六十億元申辦亞運係可以應付嘅開支，唔會影響其他方面嘅投入，現時各區正為十八項體育場地及設施開工，總投資超過一百億元。呢一位曾氏宗親會成員又強調，政府已為體育發展政策訂下普及化、精英化、盛事化嘅明確方向，現時各區已增建不少體育設施，市民參與運動嘅熱情上升，係政府長遠體育政策嘅結果。tvb now,tvbnow,bttvb- d& o3 R* y' Q5 ]' U+ e, i6 Q
唉，好心德成局長唔好自吹自擂自己讚自己啦，乜市民參與運動嘅熱情上升咗咩？即使真係熱情上升，真係應該歸功於官老爺咩？咪玩啦，甲組足球聯賽入座率低到拍烏蠅，其中一大原因正正係政府冇乜支持，球賽乏善足陳吖嘛，梗係冇觀眾啦。仲有，政府又唔肯或者唔敢手起刀落重組亂七八糟嘅足球總會，搞到球壇半死不活，歸你個頭，功你條命！
6 v: c+ o3 T' j! N5 }4 t睇下香港大學嘅民意調查點講吖，大約百分之五十七受訪者反對申辦或者非常反對申辦亞運，贊成嘅只有百分之三十。負責調查嘅鍾庭耀表示，十二月初曾經有四成人支持申亞，其後回落到三成嘅水平，支持率一度上升嘅原因同香港運動員喺廣州亞運表現出色有關，不過影響只屬短期。
3 [8 l7 e5 X# ~: o6 B所以話啫，官老爺的而且確漠視民意，打從第一日開始已經反對多過支持，死得佢吖，佢話申辦就申辦喎，完全當廣大市民透明。* D; i! d1 A9 b: _4 t) p
唉，功夫茶成日都話，申辦亞運唔係話唔得，不過唔應該本末倒置吖嘛。打個譬喻，一個男仔未去識女仔培養感情，失驚無神話要搞個世紀婚禮，係咪好無厘頭呢？你又冇體育設施，你又冇訓練選手，你更加冇同七百萬市民培養好積極投入體育運動嘅感情，申乜鬼辦亞乜鬼運吖！
" A- @6 Q; B s; N. J& L2 z5.39.217.76家陣兩個曾氏宗親會成員話就話撥出資源加強支持運動，可惜吖，同一大話係唔可以講兩次嘅。大家記唔記得十年前香港曾經申辦過亞運呀？當時夠滿口承諾大興土木打造運動場館啦，家陣依然係乜都冇。
, C4 [( D6 t- O- M/ m公仔箱論壇計功夫茶話齋，撇開其他因素不論，呢一場官民角力其實都幾過癮，民意繼續大反特反，申亞仍然一味死撐，人民內部矛盾不同凡響。如果可以嘅話，功夫茶希望官場政壇之中所有姓曾嘅全部一字排開，曾蔭權啦，曾德成啦，曾俊華啦，曾鈺成啦，最好人人捧住九龍皇帝曾灶財嘅神主牌，幾個傻佬擘大喉嚨振臂高呼「申亞走唔甩、香港一定得」，娛樂性都相當豐富㗎！ |
發表於 2011-1-10 11:39 AM
| 