香港童年玩意回憶之金絲貓(豹虎]

shing100

香港童年玩意回憶之金絲貓(豹虎]

兒時追憶系列所講的金絲貓，當然不是鬼妹啦！兒時怎有能力？！ 金絲貓 (又有俗名叫虎仔) 是蜘蛛。是小小的，動作極快跳躍力極好，好勇鬥狠的蜘蛛。 記得第一次接觸牠們大概是在小一小二時候，細哥介紹的。有一次，他還捉了一隻，放在那時畫水彩的水彩盒子內送給我，但，是死的。 後來，在小四時，一位師兄說他家附近有金絲貓「潛」(所謂「潛」，就是付錢後可抽一些顏色，每一種顏色代表一種金絲貓。)，於是，我就給了他幾塊幫我「潛」。若干日後，他拿著一大包裡面載滿一個個由緣色硬葉摺成的小盒回來，我們蜂擁而上，我拿到了幾隻。 可能太興奮了當時，那幾隻金絲貓到手之後，我在課室內玩起來！牠們兩隻一對一在那以三節硬葉打開後的橋相遇，彼此前腿張開，震呀震，慢慢埋牙再變奏快速肉搏，嘩！震撼！ 樂極生悲，那時有個二五仔舉手告我，害我被那 Miss 高充公了牠們，還說我沒愛心！不知她有否自己拿回家玩呢之後？呵呵呵~ 金絲貓有分甚麼老篤、紅孩兒、孩悟空、黑白雙煞和金牌殺手等級數，記得當中好像是老篤最厲害。 到再長大點，亦試過到公園及山頭捕捉牠們。要找到牠們其中一樣最易的方法是但凡見到兩塊樹葉有點黏在一起，那就是牠們的住處。 現在，相信這玩意已式微，有金絲貓賣或「潛」的地方相信也已絕跡。取而代之的是一系列電玩。如果有，現在的他們，喜歡的也會是在螢光幕飼養及對打的電子金絲貓。

VIDEO:  http://www.youtube.com/watch?v=ETyFjGsFZlM [金絲貓打鬥]
             http://www.youtube.com/watch?v=nKPplW55-LQ  [金絲貓打鬥 2]

邪x

估唔到而家都重有人玩呢個玩意呀，已前細個成日玩既，而家唔係唔係同已前一樣呢﹖多謝樓主分享，謝謝﹗

50後

好耐冇見過喇.我記得30幾年前係旺角..5毫...一元...3元一隻.
一放學就打.諗起都好開心.
後來我忡用個筆盒黎帶埋佢地番學.用插筆個個位封咗佢放佢入去.
打時就用張紙整番個籠,等佢守籠口...哈哈.開心

shing100

3# 50後

我極之懷念呀

shing100

2# 邪x

我相信有人仲玩緊架....其他website嘟有介紹!

mihany

依家都好久无见到人玩咯。。怀念。。

shing100

6# mihany


是呀!!!

aric2005

我也有玩過^^ 不過e+ 冇咩人會玩!~

le1989

小學果時有同學玩過
佢擺左係後褲袋…
一個唔覺意就坐死左…

shing100

9# le1989
真慘呀!當寶貝看待,也這樣!

shing100

8# aric2005

我見在其他web site有人介紹和有人買賣架!在youtube上也有人上載打鬥片段..........懷念!

261526

各位大小朋友我都係金絲貓迷^^
我今日去元朗上山捉左一陣斬有2隻紅孩兒^^
須言唔多大隻但十分之心....
我有d消息同大家分享下...就係元朗就黎會開一間金絲貓
貓場可以係果到鬥貓同埋買賣大量金絲貓~
可以寄買,同埋比賽仲有捉貓團..其實間野仲係唸緊,如果多d人覺得都會黎玩既~就msn
ikey@live.hk留低你地既msn,facebook,同電話啦都時再傾過~如有朋友都係玩既可遁得叩埋佢都add呢個msn呀