[疑問求助] 做左三次移除膀胱石手術都仲有

我隻同我一齊長大既狗仔已經13歲...佢由細到大都超健康...除左件件補針之外從來都無病無痛..但兩年前佢身體開始差....

三年前有一晚深夜佢發羊吊....我地全家立即帶左佢去SPCA度檢查...因為真係太夜既關係..除左SPCA我真係唔知去邊度睇急症...SPCA都話搵唔到咩原因...
第二日就即刻帶左佢去CWB動物醫院度再檢查..因為我地住得近...同埋上網睇過大家既評語都唔錯...
照左MRI之後發現呢次發羊吊令到佢既腦仔有少少受損...但無咩大問題...不過就要長期食抽筋藥控制...呢D抽筋藥食到我隻狗仔成日都脾氣好差...郁D就發脾氣同扭計...不過無所謂...佢始終係我地既寶貝...

好啦...到年檢既時候發現佢有膀胱石...都唔少...咁當然係即時開刀拎哂出黎啦...之後就食左兩個星期抗生素因為怕有細菌...只可惜都唔夠半年...
又照到有膀胱石...第一次做果陣醫生都話過未必唔會再有...OK...又做多次手術...仲轉左隻狗糧...ROYAL CAIN既罐頭...真係難食到嘔...我隻狗仔食兩啖就唔食...
唉...見到佢咁我就唔知點好...就算我親手餵又哄又盛都係食得果幾啖就死都唔肯食...咁無計啦...我就同醫生講佢唔肯食...真係太難食...但醫生又話一定要食呢隻...
咁我就同幫我隻狗仔剪毛果個美容師小姐傾下...佢話有隻叫K-9..好多有膀胱石既狗仔食左都可以控制到唔會再多...因為話水份多...
食左三個月左右又去照下睇下有無石仔...於是又有...唉...仲有一粒係個腎度...我又帶左佢去灣仔獸醫診所..同一個跑馬地既醫生度睇...
我真係唔想我隻狗仔成13歲都仲要年年開刀...大佬...對佢地黎講真係好慘同好痛苦...咁跑馬地個醫生就話食乾糧但要佢飲多D水...同最好就盡快開刀拎左出黎先...
其實佢真係已經飲左好多水架啦...佢飲得仲多過我囉...咁當然我唔係一日飲8杯水果D人啦...但係佢都真係唔係唔肯飲水果D黎....有時我仲會用狗仔奶樽迫佢飲..佢都好乖..肯飲...
到底我可以點做呢？各位師兄師姐們可唔可以比D意見小妹？我真係唔想我隻狗仔13歲仲要成日做全身麻醉...成日比人開刀...佢以前去獸醫度打針最多都係會喊...但而家佢已經憎獸醫憎到就黎咬佢地啦...唉....
每次我隻狗仔做完手術我都會同我老公24小時輪流睇住佢...唔想佢帶UFO罩..怕佢訓得唔舒服同唔鐘意...盡量減輕佢既壓力...老實講丫..我隻狗仔都真係唔細..13歲啦...可以日日陪住佢當然好...我都知佢唔會同我地一齊好多年...但唔係咁陪法...係想見到佢開開心心做狗仔...唔想佢咁辛苦...
請問你地識唔識邊D有誠信既醫生係專門醫呢樣野架？係邊都無所謂架...只要唔係叫我帶佢去外國醫就得架啦...
唔該你地做下好心比D意見我丫...

PS: 果D叫我將隻狗仔拎去人道毀滅既請你唔好係度出POST...

收藏分享評分

回復引用

訂閱 TOP

beyond4