[時事討論] 欺客歪風禁不絕 購物天堂毀招牌

d82622

好嘅開始係成功嘅一半，反過來講，如果開壞咗個頭，咁就隨時衰收尾。十一黃金周啱啱開始，即刻連爆旅行團違規醜聞，真係死性不改！十一黃金周係旅遊業同零售業搵銀嘅黃金機會，業界預計，今年黃金周內地旅客會激增至七十萬，零售業生意增加三成，似乎形勢大好，不是小好。弊在正如星爺話齋，「斷估冇辛苦」，實情係，「丁財兩旺」隨時變「丁財兩空」。呢，黃金周一開始，就有旅行團被踢爆公然違反「一團一導遊」規定，首日由Ａ做導遊，第二日就換咗Ｂ帶團，有團友焗住要買啲唔想買嘅紀念品，即係強迫購物咁解。最離譜就係，涉嫌違規嘅旅行社，老闆竟然係旅遊業議會理事，呢啲咪就係自己友管自己友嘅結果嘞。「一團一導遊」實施半年，首個黃金周已經廢咗武功，所謂「針對性措施」根本就係花拳繡腿，得個睇字。更令人擔心嘅係，強迫購物惡習死灰復燃，曾令內地旅客聞之色變嘅「刀手」又再肆無忌憚大開殺戒。一個四十幾人嘅江蘇旅行團，前晚由香港抵達澳門後通宵靜坐抗議。有團友投訴，在港期間被導遊強迫購物，銀両散盡，連路費都成問題，有家歸不得，唔知點算好。唉，人哋一心一意諗住嚟「購物天堂」盡興，點知搞到吊吊揈，敗興而返，簡直係香港之恥！講到尾，乜鬼措施都係假，加強監管、嚴厲執法至係真。「一團一導遊」又好，「十招規管杜絕刀手導遊」又好，就算講到天花龍鳳，如果當局闊佬懶理，關人個關，有法例等於冇法例，一切都係嘥氣嘅啫。講開又講吖，旅遊業表面好景，其實內憂外患唔少㗎。嗱，旅客數字雖然持續上升，但在港留宿嘅比例其實一直下降緊。仲有吖，港府開發旅遊資源一味大隻講，睇嚟睇去都係嗰幾個景點，旅客唔厭至奇喇。更攞命嘅係，舖租係咁飆，商品售價水漲船高，繼續升落去，「購物天堂」搵阿茂幫襯都得咯。最弊就係，旅遊業服務質素每況愈下，香港吸引力不斷下降，當局居然唔嗲唔吊懶懶閒。前排推出來諮詢嘅所謂強化監管四項建議，到依家都冇下文，擺明又係虛應故事，敷衍市民啦。唔怪得黑店春風吹又生，欺客醜聞屢禁不絕囉！冇計喇，夕陽政府翹埋雙手等收工，事不關己，高高掛起，旅遊業唔七國咁亂至奇。功夫茶想問，係咪要等旅客踩上「門常開」投訴黑店劏客，抗議當局無能，你班懶官至肯做嘢！

aa00

一者、旅議會是無牙老虎。二者、港府對旅遊亂象闊佬懶理。才會有如斯境況。   5 e+ R  [1 t4 E$ d/ V/ S3 ]
tvb now,tvbnow,bttvb. M! h  c- m4 K/ P7 G1 V: A" i& l
坐視劏客醜聞不斷損害本港旅遊業的聲譽，目前的成績還能維持多久？   
0 f3 g4 \  L9 O' [0 F2 K) X" r0 u公仔箱論壇 9 C# i# |/ E' ]4 y: t/ Z
Da..Da.. 各位請看：   
3 ~5 g6 a+ z2 z4 T, ~6 [, A公仔箱論壇
9 c/ r" J4 b4 u" [  I 公仔箱論壇# K9 q/ F1 [8 o+ N7 ?
- C* |$ @2 h- D' Z0 Q

欣賞維多利亞港夜景曾是內地遊客的最愛。

& [6 i* H" J- K( w- ?$ r* Ntvb now,tvbnow,bttvb # t5 ~  K8 \: q
tvb now,tvbnow,bttvb$ l  J& a, Q$ M9 X! f5 N" j
0 q! y/ _% f: d0 k
香港對內地旅客的吸引力受威脅。美國有線新聞網絡公布本年度“Visa全球旅遊意向調查”顯示，內地網民未來兩年最想到訪的旅遊目的地，三大熱門地依次序是澳洲、日本及法國，香港卻三甲不入。5.39.217.76' H6 E5 P5 f  _
: C- g/ _& K0 t! J8 r$ b( x
tvb now,tvbnow,bttvb1 X5 f) u" K# c9 Z' M9 X7 s! F
死未！                 一葉知秋，怕未？