雖然仲有成個月先到情人節，但係時候要諗定買乜禮物。眾多科技產品當中，充電器最貼身，而揀選條件不外乎電量同重量，但女生係咪一樣咁諗呢？我哋嚴選五款造型可愛嘅尿袋畀大家揀，到底男生會買邊一部畀女友，女生又會帶邊一款返屋企呢？
男揀叮噹 女仔花心
給大家選擇的充電器共有五款，造型有卡通人物、粉盒，以及平實的長條形，容量由4,200mAh至9,000mAh不等。雖然無論男生或女生都覺得外形是考慮因素，但他們均認為充電器的重量及體積才是重點。要方便攜帶，所以外形不必太誇張。
雖然有不少男生選擇多啦A夢，但他們都只是衝着近日叮噹熱話而來；至於女生，選擇多啦A夢、Hello Kitty反而是少數。令人意想不到的是，蠟筆小新也同樣受歡迎，因為女生認為其外形簡單，又夠細部容易收藏。反而電量不是重點，因為電量大相對會令充電器變重，違反她們愛輕愛細的要求。各位男士，現在識揀充電器給女友了吧！
$388（a）
多啦A夢充電器
配音員林保全逝世，引來全城懷念，連充電器也有份。擁有雙USB插頭的多啦A夢充電器，輸出分別為1A及2.1A，同時可幫兩部智能裝置充電。
電量︰5,000mAh
充電時間：約5至10小時
尺寸︰90×86×23mm
重量︰200g
$488（a）
Hello Kitty充電器
Hello Kitty無論推出甚麼產品也會捧場客。這款充電器以大頭公仔設計，體積雖大但不重，也有1A及2.1A的USB插頭。充電時間只需4.5小時，很有效率。
電量︰6,000mAh
充電時間：約4.5小時
尺寸︰167×147×24mm
重量︰200g
$489（b）
thecoopidea Gummy9000
thecoopidea推出的Gummy9000，電量達9,000mAh，電力輸出分別為1A及2.4A，非常厲害。外形時尚，顏色又多，可惜略重。
電量︰9,000mAh
充電時間：5至6小時
尺寸︰99×62×17mm
重量︰300g
 $398（a）
蠟筆小新充電器
有一條USB充電線藏在充電器中，機側的USB插頭又可以接駁iOS裝置使用的lightning線，非常方便。
電量︰6,000mAh
充電時間：3至4小時
尺寸︰124×59×14mm
重量︰150g
$399（c）
Retouch Blush
充電器化身化妝盒會否增加女生的購買意慾？這部充電器雖然小巧，但電量有4,200mAh，足夠日常應用。而且內藏一面鏡子，夠晒實用。
電量︰4,200mAh
充電時間：4至5小時
尺寸︰70×70×28mm
重量︰130g
男生送
鄧先生心水︰多啦A夢
「我見近嚟多啲人講叮噹（多啦A夢），而且Hello Kitty有好多產品，所以我唔會再揀喇。我其實冇乜特別要求，體積細啲就得。」
李先生心水︰多啦A夢
「因為配音員林保全嘅離世令我勾起唔少回憶。我揀充電器畀女朋友其實冇乜要求，只要輕同耐用就足夠。」
謝先生心水︰蠟筆小新
「我會揀小新，因為幾可愛。本來都想揀Hello Kitty，但覺得太浮誇，太大個。我覺得女仔唔會願意拎住好重嘅尿袋出街，所以會揀細部輕便嘅。」
黃先生心水︰蠟筆小新
「我認為呢一款嘅大細似iPhone，厚薄都冇另一啲款咁大嚿，又唔算重。尿袋通常放喺袋，所以輕啲會好啲。而且有圖案幾得意。」
葉先生心水︰GUMMY9000
「我會揀呢款黃色尿袋，我覺得簡單會好啲，女仔未必要求太複雜嘅款式。如果送畀佢哋，我諗卡通一啲都OK，但輕同耐用應該都係重點。」
女生要
黃小姐心水︰Hello Kitty
「我鍾意Hello Kitty，冇乜原因。但價錢同耐唔耐用會係我嘅考慮因素，以前試過有充電器撞一撞就壞。」
熊小姐心水︰多啦A夢
「我會揀多啦A夢，因為鍾意佢。我會傾向睇款式同耐唔耐用，保全叔近日離世亦令我選擇多啦A夢。」
Emily（左）心水︰Blush
「我會揀呢個粉盒充電器，因為裏面有塊鏡，好實用。而且重量啱啱好，呢一點好重要。」
鄭小姐（右）心水︰蠟筆小新
「我會揀小新，因為我鍾意小新，而且我着重外表多一啲。」
阿靜心水︰GUMMY9000
「感覺上比較簡單而唔係齋靠外表，而且應該多啲電。因為有足夠嘅電好重要，唔使帶兩嚿充電器先可以充一天。如果可以充到兩、三次仲好。」
充電外套 時尚實用
美國時裝品牌Tommy Hilfiger推出了一款太陽能充電外套Solar Panel Jacket，能以陽光充電，電量雖然只得1,500mAh，但有兩個USB插頭，能同時為兩部裝置充電。並有男裝及女裝款式，情侶必着，約$4,800。 |
發表於 2015-1-15 04:52 AM
| 