昨 晚 第 二 場 發 生 今 季 罕 見 的 抗 議 事 件 ， 雷 神 策 「 天 地 福 星 」 與 韋 達 的 「 無 敵 城 堡 」 在 末 段 爭 位 ， 前 駒 爭 贏 勝 出 ， 險 勝 後 駒 一 頭 位 。 賽 後 馬 會 有 研 訊 ， 而 韋 達 亦 提 出 抗 議 ， 最 終 裁 定 抗 議 無 效 ， 馬 主 鄧 俊 賢 對 馬 會 判 決 不 滿 。
昨 晚 第 二 場 四 班 1 2 0 0 米 ， 雷 神 之 「 天 地 福 星 」 比 韋 達 座 騎 「 無 敵 城 堡 」 率 先 勝 出 ， 後 駒 只 得 第 二 ， 大 熱 李 寶 利 之 「 手 到 拿 來 」 第 三 。 賽 後 即 時 亮 起 研 訊 及 抗 議 燈 號 ， 因 「 無 敵 城 堡 」 最 後 百 多 米 喺 中 檔 想 上 前 之 際 ， 畀 前 面 一 左 一 右 ， 內 側 之 「 手 到 拿 來 」 同 外 側 之 「 天 地 福 星 」 封 住 去 路 ， 尤 其 「 天 地 福 星 」 有 點 閃 入 ， 阻 到 「 無 敵 城 堡 」 ， 韋 達 要 抽 一 抽 勒 避 收 慢 ， 「 無 敵 城 堡 」 要 繞 過 「 天 地 福 星 」 ， 再 抄 出 外 檔 追 ， 結 果 姍 姍 來 遲 以 一 馬 頭 位 落 敗 。
韋 達 賽 後 以 末 段 受 到 「 天 地 福 星 」 干 擾 為 由 提 出 抗 議 ， 經 研 訊 約 1 0 分 鐘 ， 競 賽 小 組 最 終 裁 定 抗 議 無 效 ， 「 天 地 福 星 」 維 持 跑 第 一 ， 二 至 四 名 「 無 敵 城 堡 」 、 「 手 到 拿 來 」 及 「 真 如 燕 」 全 部 不 變 。 據 悉 ， 韋 達 抗 議 冇 效 的 原 因 ， 是 他 當 時 在 「 手 到 拿 來 」 及 「 天 地 福 星 」 之 間 仍 未 確 立 跑 線 ， 後 兩 駒 一 出 一 入 ， 而 雷 神 亦 打 右 手 鞭 ， 努 力 控 制 座 騎 沒 有 嚴 重 內 閃 。
「 無 敵 城 堡 」 馬 主 鄧 俊 賢 點 睇 ： 「 我 對 小 組 判 決 極 度 失 望 不 滿 意 ， 『 無 敵 城 堡 』 全 力 衝 刺 時 ， 確 實 被 『 天 地 福 星 』 嚴 重 干 擾 ， 兩 駒 勝 負 距 離 只 有 一 馬 頭 位 ， 完 全 不 明 競 賽 小 組 的 執 法 準 則 何 在 。 」
「 無 敵 城 堡 」 練 馬 師 徐 雨 石 點 睇 ： 「 我 認 為 今 次 事 件 是 五 五 波 ， 『 手 到 拿 來 』 閃 出 ， 『 天 地 福 星 』 閃 入 ， 『 無 敵 城 堡 』 食 正 三 文 治 ， 對 抗 議 無 效 沒 有 太 多 意 見 。 」 |
發表於 2014-12-18 04:24 AM
| 