女友撐場 戇豆變贏男

nt1972

幾時都話，愛情嘅力量難以估計。剛周三WAG團隊包括潘頓太太Nicole、郭能太太Trish及艾兆禮女友Bella，齊入場為愛人打氣，結果三位騎師都有頭馬，其中綽號戇豆先生之艾兆禮為「風采」食尾胡盡顯功架。論外表，呢位意大利「戇豆」點都唔及鄉里杜滿萊，雖然冇份做「型男」，但食住旺勢，今日可喺甜心面前繼續做「贏男」！
       
艾兆禮：雖然我未嘗策騎「贏男」上陣，但從此駒賽績可見，牠季內兩戰都取得季軍，演出甚為準繩，且於陣上展現追勁，走勢相當悅目。今次再跑田草1600米，無疑抽11檔與上仗的13檔分別不大，但既然牠靠後勁食胡，可減低排外檔的影響，加上剛戰擊敗牠的「超有利」由受讓四磅改為多負「贏男」四磅，因此具備反先條件，不能忽視。
       
早前我曾策騎「赤龍駒」與廐侶「旅遊仁義」拍跳試草地，前駒最後四百米反應凌厲，走勢相當出色，狀態已具爭勝水準。此駒季初一役排不利的外檔只落後實力強橫的「美麗大師」三乘許跑第四，反映牠在三班並非毫無競爭力，今次再跑田草千六米的確面對不少強手，但我認為牠仍可恃態勇一爭。


艾兆禮（右）剛周三得女友Bella入場打氣，表現特別神勇。