wwlc21

有人問我左我一個佢話好怪的問題
唔知點解架自動波車在燈位放迫力之後要等幾秒才會向前郁到
同佢去試車啦
真係
大約2秒左右個迫力才會鬆開
否則好像無放迫力一樣

檢查之後
發覺係前迫力膠喉塞左
迫力油無法在放迫力 ...
carwing 發表於 2008-11-25 11:22 AM

請見諒以下一大埋問題

小弟有部二手98 accord 自動波, (我係新手, 屋企買第一部車, 所以咩鬼經驗智識都冇)
開左差唔多半年, 最近一個月亦發現有類似問題,
停車後放迫力唔係次次都即刻向前郁。
(車到目前為止已行了近十一萬公里)

問題1.
岩岩返honda做winter check up時,
佢地建議我做個break fluid flush,
朋友話如果迫力反應不足就需要換迫力油,
經我再三留意, 迫力反應的確時好時慢,
請問樓主是否建議我去做個flush?

問題2.
另外我想問flush同換油有咩分別?
因為當時問honda, 佢話一般唔會換,
只會做一個清洗油(flush)既步驟。
(還是迫力喉堵塞係另一回事? 因為我都有起步延遲既問題)

問題3.
另外, 會否建議換波箱油?
(見你一個post話BMW 12,000km後建議換波箱油)

問題4.
再另外, 我想請問timing belt有冇得睇新舊?
因為本manual有鉛筆痕寫底 "Timing Belt 70,000",
所以唔清楚是否上手車主更換時寫底, 但7萬公里就換belt好似太早?

最後問修車以外的建議, 上面各樣的更換值唔值?
其實部車岩岩被我細佬撞完由honda大修回來,
(換前避震, fender, alignment, 拉直車架唔知邊到, 等等 CAD$2800 埋單, 用used parts)
部車期望再開多兩至三年 (三年後狀態良好會考慮繼續keep)

另外而家我有考慮過賣走部accord換車,
因為撞過, 而家整完返黎始終有分別,。
換唔換車好? 但我應為個引擎狀態好好,
2.3 VTEC要馬力就比馬力, 反應良好,
又唔算食油, 二手車黎講已經算買得唔錯。

萬分感謝!!!

carwing

小弟有部二手98 accord 自動波, (我係新手, 屋企買第一部車, 所以咩鬼經驗智識都冇)
開左差唔多半年, 最近一個月亦發現有類似問題,
停車後放迫力唔係次次都即刻向前郁。
(車到目前為止已行了近十一萬公里)

問題1.
岩岩返honda做winter check up時,
佢地建議我做個break fluid flush,
朋友話如果迫力反應不足就需要換迫力油,
經我再三留意, 迫力反應的確時好時慢,
請問樓主是否建議我去做個flush?

答：迫力油通常每4-5年換一次，如果顏色變成黑/茶色的話就必須要更換，accord後迫力如果係碟剎的話就有生"金秀"積死的通病，可以叫他們一次過檢查下

問題2.
另外我想問flush同換油有咩分別?
因為當時問honda, 佢話一般唔會換,
只會做一個清洗油(flush)既步驟。
(還是迫力喉堵塞係另一回事? 因為我都有起步延遲既問題)

答:和問題1.差唔多，flush=換迫力油

問題3.
另外, 會否建議換波箱油?
(見你一個post話BMW 12,000km後建議換波箱油)

答:波箱油最好每五萬換一次，記得用原廠油

問題4.
再另外, 我想請問timing belt有冇得睇新舊?
因為本manual有鉛筆痕寫底 "Timing Belt 70,000",
所以唔清楚是否上手車主更換時寫底, 但7萬公里就換belt好似太早?

答:你架車應該每150,000km或唔多過8年時間換一次timing belt

最後問修車以外的建議, 上面各樣的更換值唔值?
其實部車岩岩被我細佬撞完由honda大修回來,
(換前避震, fender, alignment, 拉直車架唔知邊到, 等等 CAD$2800 埋單, 用used parts)
部車期望再開多兩至三年 (三年後狀態良好會考慮繼續keep)

哈哈！加國去dealer整車身用2800唔算大鑊喇我估大鑊極都有限(dealer整車身同你claim 燕疏無分別嫁)

另外而家我有考慮過賣走部accord換車,
因為撞過, 而家整完返黎始終有分別,。
換唔換車好? 但我應為個引擎狀態好好,
2.3 VTEC要馬力就比馬力, 反應良好,
又唔算食油, 二手車黎講已經算買得唔錯。

萬分感謝!!!
wwlc21 發表於 2010-1-31 02:01 PM

你扒文扒左幾耐咁多版唔係扒晒呱

wwlc21

572# carwing
答：迫力油通常每4-5年換一次，如果顏色變成黑/茶色的話就必須要更換，accord後迫力如果係碟剎的話就有生"金秀"積死的通病，可以叫他們一次過檢查下
回: 唔清楚係唔係碟剎, 我去換油時叫佢地留意埋有冇生銹就OK

答:波箱油最好每五萬換一次，記得用原廠油
回: 換迫力油時應該可以叫佢地CHECK下我使唔使換波箱油吧? 照道理我都應該換。

答:你架車應該每150,000km或唔多過8年時間換一次timing belt
回: 咁既話, 上手車主可能起差唔多第八年時換過BELT (我等15,000KM時再考慮換吧)

答:哈哈！加國去dealer整車身用2800唔算大鑊喇我估大鑊極都有限(dealer整車身同你claim 燕疏無分別嫁)
回: 三千我就唔CLAIM喇, CLAIM完到最後都係自己嘔返出黎 ><"


最後, 多謝你解答我既問題 ^^

加: 果晚唔想訓, 返黎tvbox睇到你本日記就睇左廿頁, 你塊板就睇左十幾頁,,,,都唔係睇左好耐o車,,,

carwing

前日隔離車房整完架Benz之後著車，點知鬼殺咁嘈，嚇到佢死下死下，走過黎叫救命
我過去幫佢睇下，發現係條車頭鏈(timing chain)位置發出的，叫佢拆開D野檢查下
今日再過去幫佢睇下，發現條車頭鏈過緊，無虛位，轉動engine時又非常重，所以拆返個鏈頂(timing chain tensioner)出黎睇，一拆鬆少少之後，條鏈馬上回復正常，再攞個鏈頂左睇右睇都無乜事，心諗九成唔識裝，幫佢重裝一次睇下有無事，乜事都無，條友仔馬上問『點解你裝無事，我都係同你一樣咁裝法，無理由你無事，我有事』我都唔知點答佢好，又唔想吋佢，但係講真話又=吋佢，唯有叫佢裝好所有野著車無事先講啦，走人
點知過多陣條友請飲咖啡

carwing

經Volvo dealer檢查後證實VVT Hub壞
車主覺得貴，於是將車送了過來給我更換
點知更換以上零件係需要一套專門工具
無辦法，唯有去買，點知套工具的價錢同我收的人工無乜分別
唉！白做添，無計啦，都接左，唔通叫人攞返架車走咩


過程在以下連結
http://www.tvboxnow.com/thread-889590-1-1.html

daball

而家既車就係搞到你乜都要幫襯佢等佢斬........, 朋友架 RAV4 度門既電鎖時好時壞, 已經有問題幾個月, 但 dealer 又話無事, 而家過左 warranty, 終於完全鎖唔到. 連工包料加稅 CAD 七舊幾......, 乜咁貴 ? 朋友搵我幫手拆開佢睇下係咪甩線林油......, 結果係成舊野啤死, 唯有走去問下幾銀, 四百大元......, 比埋幾十蚊稅真係殺死人. 唔買住, 返去用個磨碌割開佢睇下, 原來用隻麼打仔行個齒輪做電制, 個麼打仔死左, 個麼打仔同 d 玩具麼打仔無乜分別, 最多值兩元......, 咁就係朋友個仔 d 爛玩具道搵下, 終於搵到隻一樣樣係條心無個半園位, 簡單, 磨......, 但電壓唔同, 玩具麼打仔係6V, 咁又加粒7805 IC 降為 5V, 最後裝返上去......., 省返幾百蚊真係飲茶都夠十幾次.

carwing

個摩打仲係cheap cheap摩打，唔係點會死得咁快

daball

咪係, 當佢用左三年, 平均每日鎖門開門十次, 每次個麼打仔轉秒半, 點加法總共都轉唔夠十個鐘頭....., 簡直垃圾,
其實個朋友係八十歲既老人家, 一星期最多開車出去三兩次去飲茶買送. 即係話個麼打仔總共轉左唔夠一個鐘. 架車三年都係剛過一萬公里.

Aenergy

E家D車真係多小毛病...
特別係电嘅問題...
連日本車都咁...都唔知買乜車好

carwing

好老實講，咁大架車，咁多零件，出小小問題有乜出奇，但係搞到死人就大鑊D

題外話:睇條youtube片聽到條友同差人對話，都唔知點解係地兩個都唔識將條波棍推去off波，如果識就救返幾條人命

carwing

電油車點解入油渣呢？
搞到要拖車
之後還要清油缸，通油路，換電油油格

車主極擔心會整壞引擎，我答他無需擔心，架車都著唔到，唔會整野的

egrplus

diesel still better than ppl put suger inside the gas tank.....it happen to me once... I have to flush the gas tank, change the fuel injector, fuel filter,fuel pump...etc...it is cover by the insurance company but  after it still not running that great..

carwing

diesel後by mistake
沙糖係整蠱喎
不過我都整過一架比人落左沙糖，不過就無換噴咀，因為個車主見到油缸對落地下有好多沙糖，唔知點解佢咁醒睇到都唔知佢係唔係之前同人頂過頸

carwing

救命
生意難撈
有個阿伯走入黎話架車兩邊大燈唔著
佢自已檢查過所有保險絲都無事
問我可唔可以幫佢檢查一下
我問佢：咁你有無睇過兩個燈膽有無事先
佢鬼咁大聲講：有乜理由兩邊一齊燒燈膽先
咁你咁大聲講我又唔會衝撞你嘅
咁咪揸架車入去幫佢睇下囉
一拆個燈膽出黎一睇
佢自已都話真係燒左燈膽喎
好快咁話唔該晒，我自已換得啦
想走喎
唔係呱，咪走，唔該比檢查費，一下就幫襯換個燈膽
換燈膽就工連料$15或者比檢查費半個鐘，你自已選擇，結果死死氣換晒兩邊

嘩！你唔係咁大聲咁寸講野我都由得你走，等你寸得咁過引，賺你幾蚊都幾過引

daball

而家大把呢 d 聲大夾無準, 想野唔係用個腦, 講野唔係用個口........,

比人倒糠落油缸咁大仇口?  

靚仔時住係屋村, 咁個個靚仔都係係走廊或樓下玩, 有個鄰居好似幾富貴, 本來有個富貴鄰居都幾好, 成班靚仔都種意同佢個仔玩, 貪有機會可以入佢屋企睇彩色電視....., 後來條富貴友可能越黎越富貴, 好憎隔離左右所有鄰居, 更唔比個仔同我地玩, 碰到面重眼超超....., 跟著有日見到佢楂架車番黎, 個時唔知乜車但覺得幾靚幾威, 有 d 靚仔就想有無機會坐下......, 條富貴友就更寸更目中無人, 唔好話我地班靚仔, 連大人都係咁.....,  有日佢見到個鄰居靚仔係樓下玩, 個身靠住佢架車, 佢竟然落去二話不說就打個靚仔, 重要係好重手, 打到條靚仔鼻血牙血都出, 好似豬頭咁......., 幾十歲人打個十一二歲靚仔, 結果靚仔老豆報警, 但當時社會警察都係幫有錢人, 結果乜事都無, 返黎佢重串, 成隻蟹咁行......, 跟著我地成班靚仔就商量點報仇......., 方法就係倒糠落佢架車個油缸, 放車吠氣, 牙簽加膠水塞鎖匙孔, 比佢打個靚仔夜晚走去佢門口痾屎, 偷佢老婆 d 波罩底褲用筆寫住條富貴友個名同住既單位號再掛係樓梯........, 結果三個月唔夠佢搬走左.