可能4：0的轻取蒙蔽咗曼联，曼联开场就比人感觉准备不足，传接失误不断。显然富咸的逼抢，令到曼联失去咗预算……其实富咸果场4：0，与其话曼联发挥得好好，不如话曼联把握能力比富咸更优胜。果场波，富咸失波前的表现其实係唔错的……
讲返今场，曼联的准备显然不如富咸，而且係过于轻视富咸……开场后，尽管同时派出2老，但係与预期中靠两老控制住中场的节奏，慢慢蚕食富咸的场面并没有出现。相反在对方的逼抢，传球频频失误……直到史高斯一如既往的每季一次发瘟般领红牌出场，整个上半场曼联被富咸嚟咗一个迎头痛击……富咸上半场没入第二球，曼联真係要多谢云达沙了……
下半场，换入朗尼后，曼联的攻势有咗起色，但係奈何门前一脚始终欠缺运气，呢个时候，我相信大部门曼联的球迷都会开始怀念因伤下场的往往响关键位置出现的贝碧了……富咸响下半场前30分钟时，个脑未转到弯，依然好似上半场咁打，有波第一时间就往前去，实际上係比咗曼联更多的机会。到咗75分钟左右，曼联的锐气已过，富咸亦开始觉醒，慢慢地打返慢D，打控球在脚，实际上当时就已经判咗曼联死刑了……至于朗尼的下场，比曼联的造成了多一重损失……如果贝碧下场对维拉上唔到，曼联就只剩下tevez了……咁样tevez有个机会证明比曼联睇，佢係值3000W的了……tevez的上场时间係唔係可以再早D呢？反正都係输的了，係唔係可以更早的派多个前锋出场呢？如果係摩连奴，我相信60分钟已经摆塞所有可以攻击的球员上去了……
曼联一直保持住费查同giggs的中场组合，实际上只有下半场头30分钟发挥得好D，而且还是在朗尼上场后冲突，将富咸的中场线压住咗之后，佢地获得咗更多的空间才得到一定的优势。而当朗尼的锐气过去后，佢地直接面对返富咸中场线时，佢地的表现依旧是乏善可陈。giggs打中场中係唔係真係咁好呢？呢个问题值得再次讨论。
最后要讲下裁判，其实呢场波的裁判尺度都係比较松的……这样对于先逼抢而取得结果的富咸是有利的。但係曼联D球员好似对佢的尺度完全唔适应，不断响度投诉。成个上半场，我见到CR不断咁响度投诉。你投诉咗半场了，裁判都唔比着数你，你就应该醒水啦，专心返D。同时你逼抢的时候，实际上的动作亦可以放开返D了。但係下半场开始曼联依然係不断投诉，实际上令到裁判对曼联的影响变差了。CR如果唔係因为犯规而拿到黄牌，我林佢成场都会不断投诉了。朗尼第二张黄牌，实际上就係裁判对曼联整场不断投诉的“报复”了……朗尼的不冷静，比到人有位入，你真係没野讲。其实朗尼呢个动作未必係发脾气抑或係对裁判的不满，佢可能係“你唔比快开或者得益了，我米扔返个波自己人咯，我地落后紧，紧係要快的啦”；但係曼联成场不停咁投诉，实际上令到裁判产生一种“你地一直响度质疑我”的感觉，咁朗尼呢一下，佢会觉得係整个情绪的爆发，佢需要用一张牌去镇压呢股情绪了……朗尼的死，实际上係有一定必然性的了……只不过朗尼到宜家响脾气方面依然未能够好好控制，或者佢太爱足球了……抑或係佢要从脾气开始学简东拿呢？
CR，真係唔想讲太多了……因为真係没任何意义了……或许没将佢以1亿卖走，可能係一个错误的决定……个人偏见……
本以为曼联会响上一场1：4后吸取到教训，重拾正轨……曼联真係需要集中返D精神了，你地领先紧，但係唔代表你地一定可以夺冠的。或许你地离5冠很近，但係咁样打落去。可能你地最后就係得两个无关痛痒的奖杯……我可以理解没人可以整个赛季都集中精神，就等于我高中头两年都係全级前10名，突然间高三第一个学期跌倒30几名，最后高考我考到全校第一名。但係松弛都係有个度的，我地已经从7分缩到可能净返1分（求神拜佛利物浦听日[email=PK……@#%@%#×××%%]PK……@#%@%#×××%%[/email]）。宜家命运仲控制响我们手中，但係如果再唔醒的话，我地可能要目送我地的对手夺得3冠（车仔）或2冠（利记）了……
红魔在打盹，希望球迷可以嘈醒佢地了…… |
發表於 2009-3-22 01:39 AM
| 
