rivaldoliu

saha本身就係中锋，以前佢响富咸时，富咸係打451的，基本上就係佢响前面打塞，因为响富咸的出色表现，先打动到费sir用1200万买佢
云佬多数係小禁区温食，saha比佢的活动范围大好多，而且saha同队友配合的能力亦在云佬之上，所以费sir选择咗saha而放弃咗云佬，saha健康时的确可以交足功课，前两季就係一个好例子，可惜saha实在係太容易受伤了。
曼联宜家的阵式其实唔係需要一个云佬，曼联更加需要贝碧托夫，一个运动型的中锋。曼联已经唔係3冠王时期的曼联了，宜家的曼联哪怕係中锋都要拉出嚟同队友做配合，除咗牵制对方的防守球员外，仲要拉出嚟拿波，然后要可以造到一D精妙的传送给告诉插入的CR、Nani、朗尼等。云佬显然做唔到呢点。
而且AC米兰显然同曼联唔同，首先AC米个阵相对于曼联保守好多，而且佢地更多係打中路突破，而唔係边路配合。上赛季我地对AC时暴露出嚟的最大问题就係中场中路防守力不足。佢地一个加度素基本上就抢赢我地成条中场线了，当中场进攻不力时，我地的防守压力就会变大。而我地中场中路的防守力显然係严重不足，史高斯、卡力克更多係一个组织型的中场中球员，佢地的防守级数显然达唔到以前坚尼的水准，因此响Kaka呢个超一流的影锋前面，佢地对后防线的保护基本就係0了。当中场中对后防中路的保护失效后，整条后防线就会相当被动了。因此费sir买入防守见长的夏格维斯，基本就係想修正呢个漏洞。但係夏格维斯自从断脚后，就比较容易受伤，而且状态一般，希望佢唔会成为第二个华朗了。
其实费sir之所以买入华朗，係希望为曼联带来一个D新元素。99年的曼联非常简单，左突右砍，睇准机会将波塞给前面两个中锋，等佢地争第一点，而后史高斯、坚尼就伺机冲上嚟做第二点攻击。呢种打法有D似传统英超打法，只不过曼联球员明显级数好够，而且刚好果年状态出奇地好，没记错约基、高尔分列英超射手榜1、2位。因此呢种打法为曼联带来咗第二个欧联。但係之后一年呢种打法显然没法响国际赛场上继续奏效，先係响世俱杯被巴西某俱乐部羞辱，我记得当年呢个俱乐部仲有野兽埃蒙度，加利仔自此开始一直都打唔出99年的状态了。然后就係欧联被皇马羞辱，列当度的后脚，到宜家都仲给我留下一个深刻的印象。曼联1年内2次被技术流羞辱，令费sir决心为曼联的踢法加入技术流的元素，避免再次在对付欧洲大陆球员时处于下风，因此佢就买入华朗。希望通过华朗，曼联可以实现边中结合。可惜就係华朗只会响对弱队or大局已定的时候先会进行技术流表现，其他情况下，佢根本唔可以变到魔术……
宜家曼联其实并非想学1：0大法的始祖祖云，而係进攻体系根本未run顺。今年曼联的进攻比以往要腻，因为用波的人多咗一个，所以点样解决好用波，成为曼联一个当务之急。只要可以解决到用波问题，令曼联的进攻重新变得流畅，曼联就可以变会上赛季果支经常大开杀戒的球队了。由于费sir一直希望用tevez，再加上nani渐渐开始接giggs班，用波的人由上赛季的CR、朗尼、Giggs的偶尔要波，到宜家的朗尼、TEVEZ、CR、Nani，4个人。点样分波，分比边个，边个位最好，对于宜家曼联中场中的球员要求係高咗。如果卡力克可以同法比加斯交换，咁就完美了（本来想用史高斯，但係毕竟都係老臣子，唔可以咁残忍咁将佢交给死敌……）。