[討論] 第一场过后，曼联的问题

rivaldoliu

第一场比赛打完了，曼联0：0被雷丁逼平，痛失两分
呢场比赛暴露咗唔少问题。

1.曼联需要一个中锋。今场波雷丁摆出铁桶阵，死守曼联，曼联全场基本上就係压住半场嚟打。但係全场2X次射门居然无功而返，呢个同曼联缺少一个中锋非常有关系。曼联的射门主要分成两类：一、就係禁区顶附近的远射；二、就係传中后射门。但係呢两类射门对于铁桶阵嚟讲等于瘙痒。呢场波，雷丁禁区顶附近长期部署咗4、5个，响没中锋的情况，你根本没可能舒服起脚。至于传中就更加唔洗讲了。个波高速跌落嚟，用脚射门要比头槌难太多了。
如果曼联有一个中锋，今场波局面可能完全唔同了。首先中锋队员可以响禁区顶吸引对方1-2个人的防守，而且佢有时仲可以顶住对方球员，令到佢地唔可以轻易冲出嚟拦截禁区顶后杀伤的攻击。其次，中锋可以作为一个明显的传中点。今场波朗尼落场后，曼联就完全没前锋了。没中锋的好处就係球的运转更快，对方难以防备插上突破，但係今场波呢个好处就明显见唔到。但係没前锋的坏处今场波表露无为。响朗尼落去之前，尽管朗尼浪费咗唔少机会，但係起码佢都係一个相对固定的点。但係当朗尼落去后，曼联就完全没点了。呢度同独孤九剑的剑意有相似之处——无招自然无法防御，招招比敌人快、招招攻向敌人弱点，敌人自然就要只能守不能攻。但係曼联的“无招"根本就没法指向对方的弱点。曼联今场波几个翼锋经常都可以杀到落底线，但係佢地佢只能将波更多地传返到禁区顶给后杀上的队友射波。大家知道，嚟球门越远，入波难度越大。禁区顶射波肯定就没你传中给中锋顶头槌的成功率来得高。如果有个中锋，曼联可能赢咗了。可惜，足球没有如果。

2.艾华唔适合打中场/翼锋。或许係车路士果场波给咗费sir信心，令到费sir今场将艾华放响翼锋的位置。但係我地要明白，对车路士果场，艾华的助攻係C朗撑个波给佢，然后佢插落底线传中，杰斯跟上射远角。佢插落底线传中呢个明显就係一个边后卫的技术。而翼锋更多係要带球突破，呢点显然艾华係做唔到，佢或者可以靠速度硬吃对手，但係要佢用技术过人就没可能了。而且当对手速度和艾华差唔多的时候，艾华身体的劣势就表露无为了，此时如果仲要佢带球突破，根本就係强人所难。所以佢仲係比较适合打边位后插上。

3.史高斯、斯维斯达状态问题。今场波，史高斯刚刚伤愈，状态可以讲係一般，上半场明显有几次失误。下半场果个近门头槌力量、角度欠奉。费sir今场用佢，或者係因为夏格维斯、anderson个态唔得。但係史高斯刚刚伤愈，个态唔给佢地好好多，而且佢地周中都有呕打友谊赛，点解唔将其中1-2个摆响后备席呢？费sir响新人问题上都係略嫌保守咗D。斯维斯达明显唔可以给人有足够的信心。费sir宜家真係要林林左边，轩斯到底係走顶留？如果走，买个咩野人补充呢？

今场波已经过去，希望费sir可以睇到今场波曼联的问题，对症下药，准备好周中扑茅的挑战。宜家到9月1号仲有1X日，希望曼联可以有更多动作进一步完善球队的阵型。

另外前几日睇到一篇文章将tevez+朗尼比作当你的黑风双煞，个人唔係太认同。首先，当年曼联打双中锋要给打单中锋强。当年左突右砍，加上艾云、加里的后插上，传中球非常多，呢个时候用双中锋等于传中有两个落点，入波机会会打打增加。而且双中锋对于对手后防的压力更大，可以给到后插上的球员更多空间，当年史高斯、坚尼得到唔少后插上的射门机会，而且仲有不错的成功率。
而宜家的朗尼、tevez组合，係双前锋，而且都係控球策应型前锋。佢地两个都係要回撤拿波，然后带球杀入。如果加埋C朗、nani（giggs），曼联可以带球突破的球员多达4个，而且4个都係需要距离冲起来的，呢个时候边个顶响中间呢？如果tevez顶响中间，我唔会怀疑佢的突破能力，但係抢点唔同带波突破，身材係抢点的一个非常重要的因素。而且tevez顶响最前面，基本上曼联出高波就等于同对方解围了。167要顶硬18X实在是太难了吧？而如果朗尼顶响前面呢？朗尼的身材唔洗怀疑，但係佢的把握机会能力我非常怀疑。上赛季朗尼响曼联先后同saha和拿臣搭档，呢两个球员都係有D中锋打法，后者就特别明显了，而朗尼就係负责回后拿波后杀伤。当你朗尼打中锋时，对住D有级数的球队就好成问题了，客场惨败给AC仲係历历在目啊，当然呢场波同曼联集体低迷都有关系。至于tevez响韦斯咸一样唔係顶佢最前面，佢前面仲有希活等中锋型球员帮佢顶住，等到下半场打突击时可能就会净返佢一个响前面，果时佢净係可以讲係一个游击手而唔係一个中锋。当年黑风双煞周位非常纯熟，根本唔会出现重叠之类的问题，而且佢地都唔会用波，只係专心走位、等机会。而宜家tevez、朗尼到底要点揉合呢？两个都係要用波、冲起身先有威力，佢两个的组合前景係一个疑问。