返回列表 回復 發帖

[討論] 两位后备前锋相继离队后,曼联锋线形势讨论

今个星期对于曼联的锋线来讲唔係一个好消息:rossi、smith相继离队,tevez转会一拖再拖,曼联锋线上的人选只係净返朗尼、saha、苏斯克查。这对于一只力争下赛季夺得更多锦标的球队来讲唔係一件好事。在tevez的转会未明朗的前提下,曼联必须做定两手准备。
今个赛季格沙许诺投入5000万用于购买球员。nani、anderson、夏格维斯的相继到来,已经花费了超过5000万(据说nani、anderson首付分别係800、900万,不过此消息未经证实)。但是在理查臣、rossi、smith相继离队后,他们三个为曼联带来了550+670(约1000)+600(或以上)合共至少1700万的收入。宜家曼联大概仲有1500万去收购前锋球员。1500万里面,有600万要预留给tevez的2年租借费。扣除600万后,曼联仲有900万的转会费可以用于收购前锋,对于收购一名实用型前锋,900万绝对足够了。

以下几个係我认为曼联可能会收购的前锋,欢迎大家一齐探讨:
1.安力卡,现时效力于保顿,转会费1000万左右。
安力卡,相信大家都唔会陌生。年少成名,有技术、有速度、有一定身高,没人会否认佢足球上面的水平,但係佢的职业道德一直为人所不齿。但係如果嚟到曼联,相信费sir有能力调教好佢。佢本人亦曾经透露过加盟曼联的意愿。现在最大的问题就係据说韦斯咸出价1200万+9万周薪收购(消息来源:网易体育http://sports.163.com/07/0726/20/3KBSK3CM00051CCM.html)。对于曼联嚟讲,多300万可能唔係咩野问题,但係9万周薪,估计曼联唔可以接受。不过曼联比韦斯咸更有吸引力,如果佢良心发现或者呢个唔会係问题。如果tevez成功转会,佢可能会沦为替补,咁样的情况能否令到佢心甘情愿的作为球队的第六人对于费sir嚟讲绝对係一个难题。

2.麦卡菲,现时效力于布力般,身价估计400万左右(个人估价)
麦卡菲,可能上赛季有留意开布力般的比赛都会留意到呢个人,麦克晓士只係用咗250万就将上赛季英超射手榜的榜眼从波图带咗嚟布力般。麦卡菲在晓士的调教下单赛季取得18个入球,对于一个新加盟英超的球员嚟讲,佢係非常高效了。上赛季结束后,据佢本人讲,佢自己係曼联的球迷,希望加入曼联。但係在曼联没有对佢表示兴趣后,佢有话希望再次在摩连奴麾下效力。当然到咗现在依然没人问津。佢最大的问题可能系年龄,接近30岁的年纪,对于任何买佢的球队来讲显然就是为了立即为球队带来帮助。呢点上面,佢好适合曼联。而且对于佢嚟讲,如果曼联净係可以提供到一个第六人的位置给佢,我认为佢会安心做替补争取机会打主力。呢点係佢比安力卡优胜的地方。但係要佢做球给队友,可能佢的水平相对会差D,但係入球就唔係太多怀疑了。

3.奇云戴维斯,现时效力于保顿,身价估计200万(个人估计)
呢个人非常冷门,估计好多人都觉得曼联没可能买佢。我本人都觉得可能性好细。呢个人特点非常鲜明,头球、冲击力。做为上赛季英超犯规王(前锋居然成为犯规王),杀伤力毋庸置疑。上赛季响保顿的锋线上表现抢眼。在迪奥夫and安力卡相继到来后,保顿的风格有所改变,从以前的高举高打变成加入了好多地面的元素,所以上赛季保顿D波係好睇咗好多。但係当保顿有死球时,佢地就会再次使出佢地的绝招高举高打,而贯彻呢个战术的往往就係戴维斯。上赛季保顿几乎所有传中都係向住戴维斯个头去的,而戴维斯的冲击力令到保顿的头球优势得以保持。而且佢的冲击对于冲散对方的防线也有所帮助。如果曼联用佢,朗尼就可以回撤做一个类似前场自由人的杀手。虽然戴维斯唔可以同佢地做太多华丽的配合,但係佢的冲击力可以帮後上的攻击球员开路,可以令到佢地有更多的空间去进攻。可惜费sir係唔会考虑佢的。同样,在有更好的选择的前提下,我都唔会推荐佢。

总体嚟讲,我认为曼联寻枪依然会在英超为主,因为离开季的时间唔多了。从外国稳个球员返黎仲有一个适应的问题,宜家给佢的时间已经唔多了。而英超锋线上优秀的球员都有唔少,除咗我上面提到的,仲有好似耶古堡(米堡)、希活(韦斯咸)等相对较为实用而价钱又比较适中的球员。不过我依然希望tevez可以成功转会,毕竟佢係宜家咁多选择里面睇上去最好的选择了。当然,在tevez到来后,我希望曼联可以签下戴维斯或者麦卡菲作为一个补充,两个里面我更倾向前者。毕竟曼联宜家的进攻缺少一个高点,当对手实施密集防守的时候,最好的武器还是死球高空战术。戴维斯作为一个后备,可以有效地补充曼联的攻击体系。麦卡菲,个人觉得佢可以尝试培养为苏斯克查的接班人。至于安力卡,如果保证唔到正选或者正选轮换,我相信佢係唔会加盟曼联的。
希望各位波友可以热烈讨论,为爵爷出谋划策,尽管佢老人家可能睇唔到我地的讨论!
1

評分次數

  • HIDE

??? db7 ? 2007-8-3 11:28 AM ???
的确啦,佢地两个都係玻璃人
宜家tevez的租借费要1000万,咁样曼联大概就净返500万左右。戴维斯 and 麦卡菲都係一个唔错的第六人选择。最好就係戴维斯啦,放响后备席准备用嚟破密集
其实都係时候掘返呢篇老文出嚟了
曼联已经出价收购安历卡,希望可以成事啦。安历卡都有态,保顿的比赛佢都有入波。
尽管佢D性格可能难以驾驭D,但係相信费sir应该可以驾驭到佢
同时佢都希望职业生涯最后可以留返个美名啦

轩斯如果真係离队,曼联左边要稳个后备,奥沙、斯维斯达都係唔係太让人放心的球员
如果唔走,希望费sir仲会继续信任佢啦
返回列表