181043123

成功人事就要7點起身？10點都先起身就係懶？早起一定有效率過遲起？精神科醫生表示，其實暫無醫學研究顯示「晏起身」的人，精神狀態及生活會比早起者為差，「人要夠瞓訓先有精神，若唔夠瞓，無論早起定遲起都唔會有精神」，強調充足睡眠才是關鍵，起身的時間未必有大影響，成人建議每日要睡7至8小時才足夠。





記者：梁麗兒





原來不同年紀的睡眠節奏有分別，年青人傾向較容易遲睡及遲起身，要刻意強迫早起，反而會影響精神狀況。香港睡眠醫學會代表兼精神科專科醫生方日旭表示，人體要靠腦部分泌荷爾蒙「褪黑激素」提高睡意，幫助入睡。一般情況下，成人踏入黃昏，褪黑激素便會逐漸增加，至凌晨3至4點，褪黑激素水平最高，睡意最強。





但年青人的褪黑激素會較年長者遲分泌，故影響了早睡的意慾，令年青人傾向夜睡，引致難以早起身。相反，老人家因為褪黑激素較早分泌，故會有早睡早起習慣。





不少大學生因為要「咪書」、開會傾project或搞活動，晚上傾向遲睡。方指，人體的生理時鐘比24小時略長，若經常夜睡，會容易將睡眠規律押後，導致晚上越來越夜瞓，早上越來越遲起身。但太晏起身會影響當天晚上的睡意，令晏睡晏起問題不斷循環加劇，有可能與日常生活不協調，建議如非必要，還是避免太夜睡。





睡眠不足固然影響日間精神，導致經常打瞌睡，但有不少人在周末假期睡10多小時，都會有「瞓極都好眼瞓」、「瞓極都唔夠」的怪現象，原來要起身有精神都有秘訣。方指，起床後接觸足夠光線都好重要，太陽光有足夠光度及藍光幫助抑制褪黑激素分泌，令人加快清醒，建議睡醒後拉開窗簾布或走出露台吸收陽光。





體溫偏低都會令人唔願起身，故以睡醒後應盡快離開被窩，切忌「懶洋洋坐係度」。方建議醒後盡快離開睡床，可做簡單早操或在家食早餐，有助體溫回復正常，有提神作用。