＊柳飄飄＊

新劇"掌上明珠"卡士主要有林保怡, 陶大宇, 商天娥, 宣萱, 陳美詩, 滕麗名, 陳山聰(未出場), 馮素波, 劉江(今集死咗)

＊柳飄飄＊

嗰啲粉係咩粉嚟架
Fian. 發表於 4-5-2010 23:18

重慶酸辣粉而家有好多地方有得賣, 多數十零蚊一碗, 不過間間用嘅粉同味道口感都會唔同, 普遍嚟講都有齊麻酸辣, 配料有搾菜, 花生, 蔥同芫茜, 粉就用薯粉, 但薯粉都有好多隻, 隻隻口感同煙靭度都唔同, 有啲幼身啲同白色實色嘅(我就唔多like呢款)有啲係圓身粗粗地帶半透明(比意粉粗啲)索咗湯汁之後好正o架, 煙煙靭靭, 其實我都係早排冇耐開始食, 都算落後喇, 香港嚟講我諗應該係舊年開始hit, 家陣好多食店都跟風學人搞重慶酸辣粉, 人整佢又整嗰種, 所以湯嘅味道同粉嘅質感口感都會比較參差(我亦試吓呢間, 又試吓嗰間咁囉)而多數做呢啲酸辣粉嘅食店都係一啲小店為多, 其他地區有冇我唔知啦, 但旺角都真係唔少, 有平有貴唔同食法, 由12蚊至20蚊都有, 多數都係賣12 or 13蚊, 有啲會賣15 or 18蚊, 而"雲南桂林酸辣米線"就賣20蚊個底, 點解話個底呢, 因為佢有其他餸可以加嘅, 原理好似平時食小鍋米線咁叫法, 但街頭小店就多數淨係賣個底, 冇餸加嘅, 如果佢個膽同湯同啲薯粉本身做得好, 淨食個底都ok夠o架喇, 我見有其他米線舖都有做, 以前我做嗰間米線舖都有薯粉食, 我都係嗰時先第一次見識到薯粉咋, 亦有啲唔係圓身, 但我覺得嗰啲冇咁好食, 大陸唔知幾時開始興, 都好似hit咗好耐, 都係大陸帶過嚟嘅潮流嚟, 東門都有好多呢啲小店o架, 間間都鬼咁多人食, 我自己就未食過大陸嘅係點, 但唔少人話大陸嘅就好食啲, 咁我都信嘅, 畢竟都係大陸興起先嘛, 不過乾唔乾淨, 衛生程度就不敢想像咯

＊柳飄飄＊

陳美詩係邊個嚟架
頭兩集 O 唔 OK 呀
Fian. 發表於 4-5-2010 23:27

陳美詩 Macy
樣似後生咗啲嘅劉彩玉, 身材幾好, 所以香港麻甩都對佢唔會陌生, 稍作性感打扮, 啲人就會 係以前一個女子組合"女生宿舍"其中一員, 同組成員有梁靖琪Toby(而家都成日有拍劇, 係監製梁家樹之女)女生宿舍係同蕭正楠以前同唱片公司(李澤楷開嘅)
而家係孫耀威女友, 最近至被承認同公開
拍過嘅劇有古靈精探, 與敵同行, 法證先鋒2 etc
http://artiste.tvb.com/latestupdate/macychan/

＊柳飄飄＊

過橋米線我細佬舖頭隔離嗰間叫譚仔記
都好出名因為成日排長龍
我就好鍾意食辣嘢
不過就唔鍾意食米線
因為我唔鍾意食淋嘢
所以都冇試過:nono ...
Fian. 發表於 5-5-2010 00:02

譚仔記...同唔同譚仔o架?
譚仔超級嚴重難食喎...出哂名唔掂...但都勁多人鍾意幫襯...可能貪平貪大碗啦...湯底完全唔掂...配料又唔掂...餸嘅選擇又少又唔吸引...仲除咗米線之外冇第樣嘢俾客揀...冇喱味道...清湯我未試過(當然亦冇興趣試)...但酸辣同麻辣就真係勁唔掂...完全冇得同"雲南桂林"(即雲桂香)相比
講服務...係完全冇服務可言...淨係為咗佢哋自己做嘢著想...唔會為客諗...仲整張list白紙黑字印明唔俾乜唔准物...貼出嚟俾人睇先最好笑
淋呢樣嘢...米線可以煮得唔淋o架喎...可以好煙靭...如果淋咁係間嘢個廚房唔掂啫...求其
煮米線好講時間...又要過冷河...呢樣係唔懶得...唔過冷河...米線一定唔會好食
我而家做呢間餐廳條街...都有譚仔...可能舖位靚啦響街頭龍頭舖...反而豉油街間新舖(響正我以前做嗰間隔幾個位)就日日拍烏蠅靜過鬼

＊柳飄飄＊

好少見miss話要去食宵夜o架噃

＊柳飄飄＊

miss早晨喎, 妳有冇瞓過o架? 瞓得好唔好呀? 我都幾乎天光先瞓, 而家又要去洗白白化妝返工, 一陣返12點, 今晚收7點

＊柳飄飄＊

飄飄早晨呀
尋晚五點零鐘去瞓覺
不過都典咗一陣先瞓得著
但係都瞓得冧
咁今晚收早咪可以早啲返屋企煲劇囉
Fian. 發表於 5-5-2010 10:50

我都係五點幾去瞓喎, 又係典咗一陣
係呀
都係miss最知我心意
實行由八點睇到十點半...可惜都睇唔切大廚出馬要等dl
除咗煲劇, 仲可以打機

＊柳飄飄＊

咁咪三線劇都可以睇哂
寇仲~ 發表於 5-5-2010 17:58

原來除咗miss, 仲仲都咁了解我嘅

＊柳飄飄＊

大家食咗晚飯未呀...我就收工後留響公司食埋先走...飽飽lu
其實都未有耐肚餓o架...不過食埋可以慳返餐嘛...唔駛夜啲自己落街買嘢食

＊柳飄飄＊

我就淨係鍾意煲劇
唔鍾意打機
妳鍾意打機咁就真係唔會悶喎
Fian. 發表於 6-5-2010 06:18

我打機都係消閒之嘛...鋤吓dee...13張...麻雀...免費同免下載安裝嘅online game嚟
以前打game boy都係玩益智games多...手機java game都鍾意搵啲益智嘅玩...冇咁易厭...不過其實咁多年嚟我玩來玩去都係嗰啲
都唔係唔會悶o架...成日都好悶...又冇人陪我食飯去街...放假仲悶同攰過返工...又冇節目
想睇葉問2又搵唔到人陪

＊柳飄飄＊

返嚟接更~~
超悶熱呀, 翳焗到死又立黐黐, 呢啲天氣好討厭呀

＊柳飄飄＊

飄飄個娛樂檔案好勁呀,好詳細啊
小飛機 發表於 8-5-2010 20:30

唔知咁樣係咪算讚我呢呵

＊柳飄飄＊

Morning 飄飄 妳返唔返屋企探媽咪呀
寇仲~ 發表於 9-5-2010 06:28

我母親節要返工呀, 仲係十一粒鐘嗰隻, 所以陪唔到媽咪, 但係聽日就約咗父母出嚟, 皆因早前我老豆整爛咗自己副眼鏡一直未去配, 我就趁早兩日一知道星期一會day off就約佢哋出嚟, 實行要捉佢去配返副新嘅, coz旺角呢邊選擇多, 價錢又實惠得多, 我又有相熟兼識做嘅好眼鏡sales, 唔駛俾人cap水(尤其港島區同地舖眼鏡舖呃錢到爆)我驚再唔捉佢去配, 佢都唔知拖到幾時先肯去配, 成鬼日戴住副眼鏡, 又肉酸又危險
今日行程就打算去配完眼鏡就食tea, maybe去酒樓飲下午茶, 平啲嘛, 如果佢哋肯留耐啲, 夜晚就帶佢哋去八方雲集食嘢, 又平又好味, 最緊要係飽肚吖嘛!

＊柳飄飄＊

我咪豎起晒囖~~~~隻指公~~~手指公呀
小飛機 發表於 9-5-2010 20:49

直樹舞子

＊柳飄飄＊

係捱眼瞓煲劇
Fian. 發表於 9-5-2010 12:39

miss做乜眼瞓唔去瞓, 要捱眼瞓咁煲劇呢, 好辛苦啫