ssqzxx

換走王子是因為佢腳踝有些問題，但喺迷仲有一個人應該一早就要換呢？我講嘅就喺古爾特，佢呢場嘅表現十分沉默，開波前仲有好幾次回場搶波，但在下半場就一直不見人形，之後班拿約去咗右邊（也就是古爾特嘅位置）就有一記漂亮嘅助功，當時扳平比分，利記嘅信心同氣勢都有所回升，過無幾耐，賓SIR換走班拿約，上賓納，呢個變動也是應該的，但之後古生都仲喺無回勇嘅跡象，咁喺迷應該換下古爾特上高治呢，因為車仔針對王子嘅部署實會十分充足的，對高治就可能只有計劃而無實行過，賓納配高治（最近狀態十足，而且信心又夠，換一些新鮮血液，球員嘅比賽心態也大大不同），高治打高空，王子打地面，上下夾攻，最後王子也不會俾車仔球員侵犯過多而受傷（大佬，你得一個前鋒壓上，人哋唔搞你咩，加上第一回合利物浦主場都已經對王子做咗幾多手腳動作），在扳平比分後，換上高治靠士氣攻上去（車仔後段都開始體力下降了），呢個我覺得喺好好嘅時機啊。古生打晒全場，但表現不如人意，高治可以繼續充當奇兵，賓SIR又唔用，真喺俾佢激死啊。難怪高治喺都要走（而家當打之年，重要時刻你又唔當佢神咁用，就算唔主力，做個超級替補，球員留喺球隊嘅心態都唔同啦）。
講完古爾特而家講下謝拉德，謝生喺我心目中一直都喺好強，守得攻得搶得傳得射得跑得，咁全面嘅球員喺邊度揾，佢喺球隊裡充當自由球員嘅最好人選，以前睇佢打波，咩位置都見到佢，上下咁跑，可以話喺不顧一切，全力而付，但在歐冠呢幾場，佢再拿一張黃牌就要面臨停賽，可能呢個原因，佢同賓SIR都好尷尬，變得戰術上，賓SIR就只要求謝生去攻唔使防（橫掂後面有只馬——Mascherano又有只龍——Alonso），而謝生自己嘅心態就可能由於一張黃牌就變得好多動作都小心翼翼，佢嘅集中性同積極性就無咁高喇，當球隊落後時，你可以睇下謝生嘅神情（可能又關乎車仔嘅球員對佢嘅壓力，令佢無發揮嘅空間吧，但呢D都唔可以做超級球星嘅借口），同04-05賽季決賽階段，大比分落後時嘅神態都大大不同，謝生喺利物浦嘅精神支柱，佢嘅表現對球隊比賽都有好重要嘅作用，但喺佢對車仔嘅歐冠兩回合裡，我都睇唔到佢充當嘅作用，可能果張黃牌就喺謝拉德在呢個歐冠賽季裡嘅魔咒吧。