tshek

咁唔知英超下游球隊係唔係會分錢俾英冠呢？

最初成立英超就係要以商業化管理而賺取最多金錢

英超四強分轉播費多係正常，因為供求關係，多人要就自然值錢啲

試想吓，如果英超轉播權唔係成個聯賽咁賣，而係好似意甲咁由球會自己傾

英超四強一樣可以賣到高價錢，一樣好多錢

而下游球隊隨時求人都冇人肯播，原本投訴分得小嘅轉播費，依家仲冇埋

意甲就曾經試過下游搵唔到人願意播而成個意甲開鑼日要壓後

至於柏天尼想嘅簡直好笑，細國機會係多咗，不過直接導致歐聯水準下降

水準下降就會導致收入減少，你係球迷，你寧願睇英超冠軍定拉脫維亞冠軍？？

細國球隊亦只會在小組賽出局，細國球員繼續嚮往出國踢波

唯一細國球隊可以踢歐聯小組賽嘅好處就係方便大球會發掘細國球員，令大球會繼續越來越強

唔駛專程派人去觀察細國球員，以商業化角度嚟講，用更少嘅資源就可以得到高質球員，更合乎經濟原則

[ 本帖最後由 tshek 於 2009-5-9 12:36 AM 編輯 ]