samuel118

希望佢走都唔好去利記呀...唔想見佢著住利記波衫...

同埋...我諗背後原因應該係佢覺得自己應該係正選,同費sir嘈過,所以而家要俾人out掛...

samuel118

原帖由 fujimama 於 2007-7-18 02:45 PM 發表。


我就覺得未必同正唔正選有關 ..

話晒艾拉掘起, 都係因為軒斯傷過一排, 我相信冇人會 expect 一個傷咗一段時間嘅球員一康復就可以打得返正選喇

而且上季軒斯有超過一半以上以正選姿態上陣 (聯賽17次正選5次後備; ...

冇錯~ 艾華既掘起無疑令曼聯左閘位多左一個選擇~

軒斯久休復出未能得到正選亦可以理解得到~

某程度上我同意你所講曼聯買賣球員既政策問題~ 因為而家曼聯其實要換一換血~

但,有一點要留意既係,軒斯是阿根廷人,眾所週知阿根廷球員爛打及自信爆焩~

加上以軒斯性格,佢唔會甘心留o係曼聯做阿二,雖然佢正選次數拍得住艾華~

因為艾華上季中段及尾段亦有唔少傷患,但當兩人冇病冇痛,正選左閘係進攻好d既艾華~

其實軒斯防守上一定好過艾華,但自從他久休復出後,我發覺佢好似爭咁d野...係火~

同埋佢既錯誤次數亦增加(雖然施維斯達多過佢好多...) 所以我可以理解得到費sir想賣佢係等佢仲有價有市,就賣走佢~

不過令我擔心的事,就係艾華其實幾易傷,同埋佢防守力真係一般...如果佢傷左...就要焗住出施維斯達..

令左邊會有好大漏洞...加上而家後防線兵力唔多夠..軒斯可以踢中堅或左閘,對曼聯點都有好處~

所以希望費sir可以諗諗,過多一年先賣佢會唔會好d呢??