長路有盡時！周三凌晨曼聯主場對般尼，大家以為9連勝十拿九穩，結果就喺今場意外地踢成2比2，曼聯連勝紀錄斷纜，不過紅魔在末段落後兩球劣勢下連追兩球避免輸波，反映球員魔性仍在，毋須擔心因一場失分就認為球隊走樣。
一如賽前所料，曼聯今場佔壓倒性攻勢，射門多達28次9次中目標，般尼專心泊大巴伺機反擊，上半場曼聯攻門試過中柱及詐胡，未能撕破對方防線，半場0比0，下半場51分鐘更因後防送禮，安達斯彭利拿後場失誤被截，被艾殊利班尼斯先開紀錄，般尼領先1比0。
禍不單行，曼聯於81分鐘被般尼另一次反擊得手，基斯活特接應隊友傳送近門頭槌頂成2比0，曼聯僅餘幾分鐘時間收復失地，就是這段時間，曼聯球員踢出血性，87分鐘博得12碼，保羅普巴頂住壓力，射高波掛網先追1球，去到補時兩分鐘，阿歷斯山齊士頭槌攻門被擋出，域陀連迪路夫近門補中追和2比2，各得1分完場。
今仗未能獲勝，曼聯暫以45分排第6，落後車路士及阿仙奴兩分，爭取前4名要繼續加把勁。
其他 Top 6 成績
阿仙奴贏得一啲都唔輕鬆
阿仙奴 2:1 卡迪夫城 
曼城24秒就打開紀錄, 但係最後輸2比1
紐卡素 2:1 曼城  |
發表於 2019-1-30 09:41 AM
| 
