daball

你講得好啱....我喺NYC 都唔多見有三菱車喺街行....
早幾年重見到D Galant...依家真係煙都冇陣...
呢間車廠睇落有D危
Aenergy 發表於 2010-1-26 10:21 AM

我個時買既咪係 Galant 籮, 二萬幾買返黎四年得返 2800, 重要比個波箱搞到好似 d 阿婆楂車咁慢慢行, 楂左成三十年車第一次買自動波就買著架 PK 車.

佢都重有 d Evo Fans 買既, 不過 Evo 10 重係有個全新 dual 波箱......, 有朋友去年有興趣買, 拉埋我一齊去八下, 個 Sales 寸過乜, 好多野問佢唔係唔知就係亂講, 重要係有得睇無得試........., 我地都叫做楂架 911 去睇車, 雖然係 73 老爺車, 但玩得呢 d 車都係愛車之人, 唔係混吉. 結果朋友行過對面買左 STI.

daball

hata..... 你既車無問題就好, BTW, Galant/Eagle 2000 個波箱有事好似係 91-92 後既車. Evo 同 Sti 都係好好玩既車, 但呢度既 dealers 唔改下佢地既 attitute.   只會趕 d 客去買第二 d 車. 唔知而家 d 整車/零件價係點, 記得我個時架 galant 問過換頭碟連 pad 要八百幾 (96年), 簡直搶錢.  波箱個 hydraulic valve 要二千幾, 未計人工......(佢地話換個新波箱最好, 特價八千大元, 大佬, 個波箱行左一年已經有問題, 拖到過左保養期先話換個新既......佢娘親) 結果賣左唔駛煩. 跟著買左架掃巴佬楂到而家十三年, 已經行左 378K Km, 乜事都無. 重好精神. 個 boxer engine 真係幾捱得.

daball

架車因為呢個問題兩年幾出入幾間 dealer 最少廿次, 嘈足兩年幾, 重 send email 去日本三零投訴......, 得到既就係特價八千大元換個新既....., 無乜人買佢既車係有原因既. Lancer, Celica 好耐以前已經係出晒名既好車黎啦.  

我有朋友買左架 Evo 9. 操控真係好, d 灣過得好靚好爽. 同掃把佬比, 邊架贏我就唔識分. 朋友楂我架就慢過我, 我楂佢架又慢過佢 (唔係講直路). 我架掃把佬楂左咁耐, 架車過灣想點我知, 咁緊係快 d. 我地都係老野, 唔再係年青時既街飛. 只係享受駕駛操控樂趣 dancing with the car/tail. 呢個亦係我地呢班人玩老爺 911 既原因.

daball

唔係, 有美國做既. 睇門邊個牌就知邊度做.....,  掃巴佬比香港人譯得幾難聽, 重有佢 d 車個樣真係幾醜樣......, 但架車既安全性, 操控性又真係好過好多車. 副 boxer engine 又實淨耐用, 有人話佢 bulletproof ......, 係真唔係真就唔知, 但有小型飛機廠用佢個 boxer engine 改黎裝上去賣. 我架車又行左成三十幾萬Km. 無 rebuild 過, 重好好力好精神......., 我朋友架 Evo 9 行左四萬幾 miles 已經露疲態, 不過佢平時楂車都經常一波就地板油兼波波盡咁玩, 咁樣都幾傷車.