嘩...好多o架喎!
我哋係咁o架...有啲嘢食係日頭or夜晚先有, 有啲就閒日lunch冇, 有啲就淨係閒日嘅下午茶先做, 亦有部份嘢食係限量出, 所以好多時會賣哂, coz總有啲嘢係特別受歡迎(啲人嚟親都要食, 為咗嗰啲而嚟咁)同埋一定會影相(啲人會可能唔記得帶夠錢, 但唔會冇帶相機)
if只供應於16:00前有:
豬軟骨手打烏冬(係tea set嚟, 閒日日頭先有做豬軟骨o架咋, 本人強烈推介一定要食, 豬軟骨真係超掂, 會一試愛上的)
牛仔骨就唔記得夜晚有冇, 但都幾good o架, 頗吸引的!
照燒雞扒就超多人叫, 但我個人本身對雞扒喜好只屬一般, maybe啲人貪佢啖啖肉, 抵食夾大件啩
吉列豬扒and 黑胡麻豬扒都做得好, 我就尤其鍾意後者, 一來特別啲啦, 唔係度度有嘛, 二來火候控制得幾好, 炸得外皮香脆之餘冇過火唔會燶, 肉質鬆化夠淋唔會死實實, 自己揼, 並唔係俾嘢去乸
coz日頭嘅手前烏冬湯底冇晚市咁多choice, 但豚骨湯底都好多客揀同喪飲, 咖喱就香而不辣, 日式咖喱嘛辣得去邊吖! 仲有就係辛辣(即係地獄)湯底, 不論咖喱定地獄, 兩者離遠都聞到幾香, if食得辣者可以叫廚房加辣, 唔多食得辣嘅可以叫佢少辣, 但所有烏冬fix哂材料同湯底係堅持唔俾轉(相信係原則嚟)當然if你唔想食生蛋(即係窩蛋)可以叫佢轉溏心熟蛋, 但反之溏心熟蛋轉生蛋就要加兩蚊(coz係半隻同全隻嘅分別)基本上, 除咗所有豚骨湯底嘅生蛋之外, 全部其他款都係熟蛋(我就like熟蛋喇, 如果俾我揀, 因為睇落好吸引好靚仔o架啲溏心蛋)
此外, 我哋啲鰻魚都比唔少食肆肥美同厚身, 穩陣之選! 厚切豚肉就睇落會以為好肥, 但食落就唔會, 醃得幾好味, 厚得嚟又夠熟又唔會死實實, 我食過都冇黐牙! 牛肉係靚肥牛, 脂肪分佈均勻(隨個人喜好, 叫烏冬order時可以叫佢另外生上, 自己逐塊食嗰時灼落個湯度, 湯夠滾乜都熟, 放心! even正常咁出都係放面, 半生熟嘅啫, 唔會老)
咖喱海鮮...海鮮分別有帆立貝一大隻, 數隻大蜆, 青口一大隻, 蟹柳...忘記咗有冇蝦sorry
講住咁多先, 下回再講晚市推介...
p.s.中午12:55前, 同埋傍晚18:55前結帳可享有88折優惠......留意! 本店只接受現金! |
發表於 2009-12-12 11:20 PM
| 
係咪又有人掉腐蝕性液體呀
下晝睇新聞都未有喎
