公仔箱論壇 - Powered by Discuz! Board

標題: [時事討論] 主人窮到死公僕竟自肥 [打印本頁]

作者: jjwah 時間: 2010-6-9 01:17 PM 標題: 主人窮到死公僕竟自肥

做官嘅開口埋口成日話自己係公僕，咁市民即係主人啦，你估下當主人窮到燶嘅時候，公僕會有乜嘢反應吖嗱？當然全無反應啦，簡直睬你都傻，繼續魚翅撈飯！
前日喎，財政司司長曾俊華出席立法會財經事務委員會，匯報最新經濟狀況。鬍鬚曾就話嘞，本港今年首季經濟錄得百分之八點二嘅強勁增長，連同去年下半年累積嘅增長，已經收復金融海嘯嘅全部失地，全年可維持增長百分之四至五嘅預測。曾司長不忘加多句，今年本來好大機會有更高嘅經濟預測，不過由於出現希臘主權債務危機等等外圍不利因素，咁先至維持不變o架咋。
簡單講，香港經濟復甦，財爺好鬼風騷。
好嘞，假設你唔係又計錯數，香港經濟真係復甦，喂喂喂，窮等人家不但冇受惠，而且情況更加惡劣喎，點算先？立法會議員兜口兜面質問財爺，月入少於四千元嘅貧窮戶，數目由九七年首季九萬二千三百戶，大幅升至今年首季嘅十九萬六百戶，即係多咗超過一倍，坐擁逾萬億元儲備嘅特區政府有冇乜嘢辦法解決愈來愈嚴重嘅貧富懸殊問題呀？哈，整鬼佢吖，曾俊華提供咗一個無厘頭得嚟又勁涼薄嘅答案，佢話喎，貧窮戶上升純屬統計問題。
請恕功夫茶數口唔係好精，唔明乜嘢叫做「純屬統計問題」，唔通十九萬六百戶貧苦大眾只不過係數學上嘅幻覺，而唔係有血有肉嘅殘酷現實？或者咁樣理解啦，鬍鬚曾已經練成目中無人絕世神功，喺佢對眼裏面見唔到真真正正有需要食飯瞓覺嘅人，而係一堆冷冰冰嘅數字，所以先至會講出「純屬統計問題」咁冇血性嘅風涼話。
所以話啫，當主人窮到燶嘅時候，公僕係唔會有乜嘢反應嘅，唔止繼續魚翅撈飯，更加自把自為添飯。所謂添飯，係咁樣嘅，公務員事務局尋日公布，中級公務員加薪百分之零點五六，高級公務員加薪百分之一點六。5.39.217.76; l8 }' a+ g$ ]1 [# f8 ?( ^! w
如果係繁華盛世，人人安居樂業，個個家肥屋潤，講真，公務員加薪幅度唔算離譜。之但係咁喎，都話貧窮戶大幅上升一倍咯，一家幾口月入唔夠四千元，隨時唔夠畀曾俊華食一餐飯埋單找數，公務員居然懶理民間疾苦再一次利用公帑自肥，咁就好冇道理啫！TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。- {. k( s3 ?) h* s% `
主人窮到死，公僕竟自肥，荒謬到幾乎六月飛霜，如果功夫茶係雷公，肯定會瞄準鬍鬚曾頭殼頂，一嘢整個天打雷劈過佢歎！5.39.217.762 g# N1 y. R8 Y$ \
雖然功夫茶確係冇本事使出五雷轟頂教訓涼薄官僚，但係唔好唔記得，歷史往往係會重演嘅，只要窮人數量多到一個臨界點，又只要當權者好似一代昏君晉惠帝咁亂噏「何不食肉糜」，十居其九又會係官逼民反。5.39.217.76: @% o( h; r$ q; x, a5 B
請記住，如果有朝一日窮苦大眾推翻昏君，唔係起錨，而係起義！
本文連結 : http://orientaldaily.on.cc/cnt/news/20100609/00190_001.html

作者: hippy_123 時間: 2010-6-9 04:12 PM

講得好，其實香港人被弄成這樣激動，現在這一班官要負不少責任。只睇下加人工可追加，但減人工便無追溯，就真係頂佢地頭錘。

歡迎光臨公仔箱論壇 (http://5.39.217.76/)