公仔箱論壇 - Powered by Discuz! Board

標題: 6速天籟夠寧靜無聲劈車 [打印本頁]

作者: nt1972 時間: 2010-5-19 06:45 AM 標題: 6速天籟夠寧靜無聲劈車

天籟之聲可以劃破長空，但無聲勝有聲，可能更有韻味。要講的是日產 Teana（天籟），擁有一個美絕名字，但行車時寧靜，才叫人驚喜，配上 3.5公升引擎，還由原來的無段變速波箱換上六速加減自動波，馬力增加至 252匹，絕對能帶給你靜悄悄的駕駛享受。

要突圍，各種車款總有不同方法，作為一輛房車，喺呢個時代，單單講求四平八穩，梗難令人望多你幾眼， Teana之前大玩轉款之後，雖然當堂令誘惑指數飆升，不過對男人嚟講，派頭當然重要，但對車嘅操控感都唔會忽視， Teana之前推出 2.5公升引擎搭配無段變速自動波，對一啲人嚟講可能稍嫌不足，不過選擇總是有的。同車系 3.5公升版本，雖然同是沿用 VQ系列的 V6引擎，馬力就由原來 182匹增加至 252匹。如果覺得單單馬力大咗都唔夠喉，仲有，今次連波箱都換埋，換上一套無段變速附加 6速+/-波箱，雖然沒有軚環撥片功能，但有得推吓棍仔，足以令操控感大為提升。貪新鮮永遠係車版記者特性，既然係新嘢，即時由將軍澳來回西貢兜一轉，提升馬力後，果然有驚喜，起動表現敏捷，換上手動模式，波箱反應同樣爽快，油門不期然越踩越深，竟有股推背感從後而來，雖然擁有近五米（ 4,850mm）長車身，在路面穿插反應依然靈活。不過最令人意外的是，高速下車廂依然保持寧靜，簡直有如置身凌志的感覺，這方面要多得車廠利用先進的吸音減噪及高速風速弱化，創出 360度噪音減絕技術的幫助。

■雙天窗設計，令車廂空間感大增。

■中控台鋪排清晰，容易適應。

真皮大班椅豪到爆
不過作為 Teana這類被定性為中型行政人員房車，車廂豪華設施才是賣點，這方面 Teana明顯贏同級房車一截，全車真皮座椅唔在講，配襯的木紋裝飾，豪氣到爆。另一令人一見鍾情的賣點就是前座乘客位設有 Ottoman大班椅，腿部承托墊可升起，令整個人躺卧於座椅，猶如置身於大梳化的享受，係人見到都搶住坐。咁都未止，前座座椅還置有冷暖通風系統，㩒個掣，冷風暖風任你揀，座椅都給你冬暖夏凉享受。至於後座亦沒有忽視，腳部伸展空間充裕唔在講，難得係尾窗都設置自動太陽擋，設計細心到爆，加上車頂雙天窗設計，令車廂空間感大增，駕駛享受喺晒度。三十幾萬嘅 Teana雖然只屬中級行政人員車，但配套卻是高級豪華房車質素，又點會唔吸引。

■換上 3.5公升偈， Teana動力更澎湃。

■前座乘客椅的 Ottoman大班椅，令你享受瞓住坐車樂趣。

■（左）三環式儀錶板，帶出跑味。（右）真皮軚環配備按鍵功能。

■成五米長車身，令車形更加修長。

■車尾設計頗有平治的影子。

規格
引擎： 2,495cc V6
馬力： 252ps/6,000rpm
扭力： 33.3kg-m/4,400rpm
傳動：無段變速附 6速+/-波
售價：$373,800

作者: bananass 時間: 2010-5-20 06:36 AM

no photo

作者: 心情很蓝 時間: 2010-5-20 04:01 PM

always no photo show up one

作者: wangjs22 時間: 2010-5-24 10:34 PM

辛苦了謝謝分享!

作者: callyyip430 時間: 2010-5-29 10:36 AM

Thanks!!

歡迎光臨公仔箱論壇 (http://5.39.217.76/)