公仔箱論壇 - Powered by Discuz! Board

標題: 醫療失誤勿苛責　庸官怪論真荒謬 [打印本頁]

作者: katspi 時間: 2010-3-28 09:22 AM 標題: 醫療失誤勿苛責　庸官怪論真荒謬

新一期「庸醫奇譚」出咗啦！哦，對唔住，按照醫管局嘅官方叫法，應該稱為《風險通報》至啱。奇文共賞，等功夫茶為大家講吓入面有啲乜嘢奇聞怪事。
講到奇聞怪事，今次一樣有唔少，不過新意就冇乜嘞。唔知係咪因為公立醫院人手短缺，前線醫護做到踢晒腳，睇落個個變咗「失魂魚」咁，做過乜都唔記得，一時遺失呢樣，一時又唔見嗰樣。嗱，呢次出事最多嘅，又係「人肉儲物櫃」呢啲例牌菜。
有位病人懷疑手術後發憎拉斷條尿喉，但醫護人員居然冇發現條喉少咗橛，直到病人半年後出現血尿同膀胱炎，小便嗰陣仲無喇喇排出一橛膠喉，事件至被揭發。5.39.217.76# \) M1 b7 C# f0 l

醫管局一向「大方」，做手術唔止有膠管送，仲有其他「禮物」送添，不過唔好意思，送乜嘢由醫院話晒事，病人冇得揀。呢，有位孕婦產後陰道出血，醫生用紗布止血，產婦事後覺得會陰唔舒服，一個月後覆診至發現原來仲有塊止血紗布留咗喺陰道內。更離奇嘅係有位初級醫生將中央靜脈導管嘅導引線留咗喺病人體內，後來照Ｘ光至發現。公仔箱論壇/ O& r# B5 Q1 y* \ F
聽落係咪好激呢？其實，再激嘅都仲有。公立醫院事故層出不窮，開錯刀、打錯針、開錯藥、手術後留低異物喺病人體內，總之幾怪都有。但醫管局嘅風險通報，居然連邊間醫院出事都冇披露，所謂通報，報啲唔報啲，你話係咪奇怪吖。+ i }( f6 N% H9 l! l" c

TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。. ?: a5 l7 j9 |9 u! |5 O# X+ g
食物及衞生局局長周一嶽尋日仲死撐，聲稱通報機制係希望市民了解入院風險，提醒前線人員小心工作，如果通報同處分機制太苛刻，可能令有關嘅醫護人員唔敢上報喎。
呢鋪真係要多謝周一鑊話畀市民知呢個「超級大秘密」。原來公立醫院搞出咁多事故同醜聞，唔係因為醫管局無能，更加唔係因為周一鑊領導無方，而係因為市民要求太高，太苛刻啫。公共醫療系統搞到立立亂，管理層唔使問責，冇人要孭鑊，咁做原來係啱嘅，如果市民太苛刻，搞到醫護人員士無鬥志，可能錯得仲多，隱瞞仲多，咁豈不是更大鑊！
唔怪得呢個弱勢政府施政失誤啲瘀嘢成日收收埋埋，次次都要等到傳媒踢爆至肯認衰，原來就係因為市民太苛刻。不過咁，傳媒踢爆係傳媒嘅事，班高官一於少理，屢錯屢犯，知錯唔改，衰完一鑊又一鑊，好官我自為之。按周一鑊嘅邏輯，市民日後無謂再對高官咁「苛刻」喇，否則佢哋可能將啲醜聞收得更加密實。
話時話，醫管局整份《風險通報》出嚟，邊間醫院出事唔講，邊個要負責又唔知，睇完得個驚字，咁不如唔好通報。反正港府施政經常都係黑箱作業嘅喇，連副局長人工有幾多，佢哋都一度收得密密實實，唔肯透露，醫管局唔通報風險，邊個吹得佢哋脹吖！

歡迎光臨公仔箱論壇 (http://5.39.217.76/)