公仔箱論壇 - Powered by Discuz! Board

標題: 日內瓦車展直擊（二之二）Alfa入魔　車門成層樓高 [打印本頁]

作者: nt1972 時間: 2010-3-5 05:47 AM 標題: 日內瓦車展直擊（二之二）Alfa入魔　車門成層樓高

昨日睇完一堆實用抵玩行先嘅未來新車， Motor Show又點少得造型獨特嘅 Concept Car？今屆單單一款 AlfaPandion，已足可技壓全場，成古靈精怪之最。皆因佢賣相極度邪惡之餘，車門徐徐升起，頂點足足有3.6米，仲高過一層唐樓！

1. 用上 4.7L V8偈，馬力達 450匹，升起車門感覺真能飛得起。

Alfa喺香港未見成績，但喺外國仍然發光發熱。車展中， Alfa展館佔地唔算細，擺放咗 159後繼新車，但點都唔及由 Bertone操刀設計嘅Concept Car咁搶眼。呢款名為 Pandion嘅神秘戰車，極度天馬行空，由鬼面罩、輪圈到車尾，均用上Algorithmic概念，一塊一塊細碎金屬片，似雜亂無章、互相交叠砌成，出嚟效果勁有「入魔」意味。最頂癮都係一對車門，向後升起打開，車門又幼又長，活像生出兩支長角。據官方資料，車門最高點離地足足 3.6米，仲高過出名樓底高嘅唐樓，而且咁大扇車門，開合一啲都唔論盡，約莫7秒就搞掂。最大問題係遇着無電或死火時，咪要爬梯先可以閂番道門？咁就真係型爆變爆喇。

2. 驟眼睇，車頭勁似《星戰》白兵嘅造型。

3. 頭胎 21吋、尾胎 22吋，大有向前俯衝之勢。

4. 內櫳複雜膠感，出奇地 Fantasy。

5. 邪惡感嚟自全身雜亂無章嘅金屬片。

古靈精怪
咪以為 Concept Car勢必改到正正經經，先再量產推出市場，你睇吓日產喺東京車展首度曝光嘅渾圓 SUVQazana，今次以最終量產版姿態登場，正式命名為Juke，賣相仍有濃烈科幻味，圓咕碌頭尾設計，一對巨型霧燈霸佔咗頭燈位置，車頭層次亦好豐富。而 Wiesmann上年已擺過MF4，今年更有最新 MF5登場，現場仲擺咗紅黃白黑唔同色，但我仍獨愛有明顯頭燈嘅 MF3，米白車身襯啡色內櫳，充滿古典玩味。