公仔箱論壇 - Powered by Discuz! Board

標題: 災場一年冇人理　官僚慘過大懶蛇 [打印本頁]

作者: katspi 時間: 2009-10-18 09:45 AM 標題: 災場一年冇人理　官僚慘過大懶蛇

潮流興申遺，涼茶、粵劇可以申請為非物質文化遺產，至於舊城古蹟當然亦都唔執輸。呢，澳門大三巴牌坊一帶嘅舊城區，幾年前畀聯合國教科文組織列入《世界遺產名錄》，當堂身價十倍，好多旅客慕名去發思古之幽情。9 s1 n  t  K& s9 q- {1 ]0 {7 T4 [' B, L

咁香港有冇歷史遺址可以申遺呢？當然有啦，而且大把添呀。香港話就話係國際大都會，但安全系數差到冇朋友，凡親有祝融之災或者黑雨颱風，都會打造出一個個災場遺址，而且遲遲都唔會有人去清理，於是乎，一年半載後，呢啲災場遺址咪可以供人憑弔咯。

嗱嗱嗱，沙田下禾輋村就有一個喇。呢條村去年十月發生三級大火，燒咗八間村屋。眨吓眼過咗一年，火災現場至今依然冇人清理，地政總署求其搵木板以及鐵網圍住就算數，現場頹垣敗瓦，村屋燒到甩皮甩骨，鐵皮、爛木堆到周圍都係，唔知嘅，仲以為係啱啱打完仗添。
0 n4 S4 R1 v% S1 G- U
最弊災場範圍遍地積水，垃圾堆積如山，大熱天時臭到不堪唔在講，孳生蚊蟲危害居民健康先至係大件事。政府成日宣傳叫人要清理積水，保持環境清潔，但就由得呢個垃圾崗獻世，原來又係大隻講，噏得就噏。仲有吖，啲村屋燒剩個架，一有狂風暴雨，殘件被風吹到搖搖欲墜，試過差啲壓親路人添呀。( ]+ o5 W* _# D2 Z2 e

不過講到最得人驚嘅，就係災場內村屋嘅建築物料原來含有石綿成分。你知啦，蚊蟲老鼠傳染各種疾病固然可怕，但石綿呢家嘢更加唔係講玩，吸吸埋埋，隨時可以引致肺癌、皮間瘤以及石綿沉着病o架！( p4 d$ ]3 O& c$ i2 L0 ^9 q. r

問題係當局一於你死你事，關人個關，拖得就拖。地政總署發言人死撐合約承建商提交嘅清理石綿物料建議書未符要求，要另外搵承建商處理，預計要拖到今年十二月至可以完成。tvb now,tvbnow,bttvb7 T+ J' [2 U9 U, }  g7 h
( ~& V2 P5 A0 O! _0 D1 r1 o
有冇搞錯呀，搵承建商處理啫，又唔使自己郁手，使唔使搞咁耐呀？講嚟講去，又係一個「懶」字！最奇怪嘅係，經本報介入之後，當局又突然如夢初醒咁即刻郁手清理，附近居民都唔敢相信，成個災場拖咗成年都冇人理，一向本報投訴，當局就咁快有反應，可見係非不能也，實不為也。所以話，今時今日傳媒嘅角色係幾咁重要。
+ t6 i: P* R: E6 S) D
事實上，呢個火災遺址只不過係冰山一角，類似嘅個案真係多不勝數呀。嗱，今年三月底葵涌石梨坑村發生咗場火警，有三間村屋燒通頂，當局咪又係拖得就拖，任得災場養蚊養老鼠，如果唔係本報介入，地政總署咪又係繼續闊佬懶理。公仔箱論壇4 M( u/ _! [! O3 w" w4 d
tvb now,tvbnow,bttvb  M  e0 w! z: z6 z$ ?7 U! `
冇辦法啦，有名你叫「弱勢政府」啦，公務員加少啲人工都鬼殺咁嘈，之但係做嘢就愈少愈好，最好乜都唔使做，個個冇晒靈魂，好似行屍走肉，畀人踢一踢先至識得郁一郁。唔好講話火災遺址冇人清理，就算係塌咗一棵樹，你想搵人搬走都幾難！

功夫茶依家終於恍然大悟，明白曾蔭權(

相關)所講嘅「公眾利益」係乜，「公眾利益」原來就係要小市民同蚊蟲老鼠為鄰，就係要公眾日日被迫吸入石綿，就係要香港人自求多福！

歡迎光臨公仔箱論壇 (http://5.39.217.76/)