公仔箱論壇 - Powered by Discuz! Board

標題: 黑櫳帶頭 Mazda5 Free升呢 [打印本頁]

作者: nt1972 時間: 2009-9-18 07:47 AM 標題: 黑櫳帶頭 Mazda5 Free升呢

由細到大，媽咪都叮囑我「便宜莫貪」，今日，我可能要失守了。全新升級版 Mazda5，送全車擾流、電動天窗及真皮軚環等六大Options，當中最令原本 Lite版 Mazda5型格升級嘅，非至型至Cool全黑內櫳莫屬。六份大禮一次過到手，價錢不變，吸引力之大，實在令我要講句：「媽咪，對不起，我實在忍唔住要貪一貪喇！」

吸引老竇級

Mazda5一向喺同級七人車中競爭力強勁，價錢一級經濟實惠唔在講，一道電趟門已經鍊贏唔少對手，難怪全新升級版嘅Mazda5都以「好爸爸之理想座駕」做宣傳口號，因為有電趟門幫手，接送小朋友的確方便得多。有麝自然香，理想嘅銷量令Mazda5不急於大變推出全新車款，先有 08年 Facelifted版改過鬼面罩、尾燈，兼且加埋中後排冷氣出風口，改埋直四 MZR引擎及5前速半自動波箱，內外既美觀又實用嘅改變已經好貼心。不過，要滿足用家們越嚟越高嘅要求同無窮無盡嘅慾望， Mazda今年再次出擊，將 Lite版Mazda5免費升級。六大升級位主力都係擺喺外形同配備上，更以最優惠嘅價錢吸引一眾好爸爸車。

1.至 Cool全黑內櫳舊年推出 Facelifted版後只得米白座椅，今次型到爆嘅全黑內櫳當然更啱一眾爸爸心水，接載小朋友頻密自然容易污糟，黑色座椅就更易打理。

2.全車擾流裝置

使外形變得更搶眼嘅大包圍本來只係 Deluxe版嘅專利，包括頭尾 Bumper、側裙及尾翼，竟然可以免費升級又點會有人抗拒。

3.電動天窗

電動天窗同樣係 Deluxe版嘅配備，升級版可以免費擁有當然着數，雖然係細咗少少，但總算可以滿足愛陽光嘅你。

4.連音響操控按鈕真皮軚環汽車高科技嘅配備會令人嘅虛榮感油然而生，添加軚環音響操控按鈕係最實用之選，仲有埋手感更好嘅真皮軚環㖭。

5.真皮排檔桿

排檔桿包上真皮，一個簡單動作，提升高級感亦提升手感。

6.前置霧燈

除咗全車包圍，外觀上嘅另一項升級仲有車頭一對霧燈，有咗佢哋，賣相當然更醒目啦！

好媽媽一樣冧
力Sell係好爸爸 Dream Car嘅 Mazda5，安全測試屢獲殊榮不在話下，性能表現當然一樣有不錯嘅口碑， 2公升 MZR引擎輸出145匹馬力及 18.4kgm扭力，加上重心低及外形輕巧嘅車身（只有1.62米高），令人感覺唔似揸七人車，操控容易嘅程度何止好爸爸話好，直頭更係好媽媽之選。另一最大賣點必然係中排座椅嘅6+1設計，可以隨時收摺中排中間座位變成貯物籃，夠靈活又實用。二十萬有找嘅七人車，今次有埋六大Options隨車附送，升呢唔收錢咁着數，唔貪就真係對唔住媽媽。

■後排座椅摺埋，尾廂深度差不多有一架 BB車咁長。

■中排獨立 Captain Seat嘅座椅設計方便安裝 BB椅。

Mazda5 2.0規格
引擎： 1,999cc直四 MZR
馬力： 145ps/6,500rpm
扭力： 18.4kgm/4,500rpm
傳動： 5前速+/-自動波
售價：$189,990起

Mazda周末車展
想一睹呢部升級版 Mazda5嘅真身，可以於本周末到 megaBOX慢慢欣賞。
日期： 9月 19及 20日時間：11:00am-9:30pm
地點：九龍灣 megaBOX 5樓中庭展出
型號：全新 Mazda5升級版、全新 Mazda2 1.3 CVT、Mazda3、 Mazda6、 Mazda8

作者: k2nick 時間: 2009-9-20 10:55 PM

實用的車。

作者: Slaff 時間: 2009-9-21 05:15 PM

mazda的车本人也很有兴趣哦！谢谢分享^^

作者: vinz01 時間: 2009-10-27 06:59 AM

thank you very much

歡迎光臨公仔箱論壇 (http://5.39.217.76/)