公仔箱論壇 - Powered by Discuz! Board

標題: 古蹟公器私用　保育虛有其表 [打印本頁]

作者: katspi 時間: 2009-9-14 08:07 AM 標題: 古蹟公器私用　保育虛有其表

一隻手錶，係咪擺一百年就會自動變古董？當然冇咁簡單，仲要視乎好多條件，睇下係咪名牌啦，睇下保養水準啦，睇下罕見程度啦，如果係國產雜嘜山寨貨，擺一千年都冇用。tvb now,tvbnow,bttvb2 Y" l+ v- C' u: `- t# n
0 E1 B6 p3 |7 P
同樣道理，唔係所有建築物擺一百年都會自動變古蹟，又殘又舊又普通嗰啲，通常叫危樓。換言之，但凡叫得做古蹟嘅，一定有相當特色，譬如話，一九○二年落成嘅尖沙咀前英童學校。5.39.217.762 |% F0 w- A# f& V- j; ?! y

擁有百年歷史嘅英童學校到底有乜特色呢？講起就真係慚愧，功夫茶只可以鸚鵡學舌，照抄一段文字紀錄，因為有生之年從來冇機會入內參觀，冇辦法親眼見證，原因係……古蹟辦公器私用，霸佔英童學校做佢哋嘅辦公室！tvb now,tvbnow,bttvb9 i, I1 V. R# l
& m# u" h) S* e+ {* x6 k
不如咁吖，先睇睇抄番嚟嘅介紹。根據香港理工大學專業及持續教育學院通識科講師、區議員陳偉強所講，英童學校建築方法結合當時社會情況，由於香港天氣炎熱，好多歐洲來港學童未能適應而感染瘟疫，最終要擴闊通道，令室內氣溫大幅下降，所以建築物除維多利亞時代特色之外，亦擁有寬闊遊廊風格。

大家睇完文字介紹，正常嚟講梗係想進一步睇睇實物o架啦。對唔住，古蹟辦貼出告示：辦公室重地，遊客止步。tvb now,tvbnow,bttvb) H) g; ^0 V- t! t/ [- w" H! J7 `

呢嗱嗱嗱，你話係咪諷刺吖？古蹟辦嘅天職就係保護古蹟，千方百計維持原貌，執到靚靚仔仔之後對外開放，等香港人深入認識香港歷史吖嘛。假如，英童學校至今仍然係一間學校，學生哥要用嚟上堂讀書，唔開放畀遊客參觀冇人會有意見。之但係咁喎，英童學校已經冇人上堂讀書，古蹟辦當初點解要鵲巢鳩佔呢？香港冇其他地方畀佢哋辦公嘅咩？點解一定要霸佔公共空間？5.39.217.76, |, s! b% a7 H% O! R& ^

計功夫茶話齋，即使古蹟辦全心全意公器私用，起碼都應該做得好好睇睇，至少每年撥出部分時間開放英童學校。舉個例子吖，禮賓府亦係法定古蹟，雖然住咗曾蔭權啫，不過每年都有兩日開放畀公眾入去參觀，只要你唔硬闖曾蔭權香閨，冇人會趕你走。好可惜，古蹟辦態度堅決與民爭利，就算油尖旺區議會要求開放英童學校畀市民參觀，古蹟辦竟然一口拒絕，仲要解釋「入面冇嘢睇」。tvb now,tvbnow,bttvb5 j: w3 G W0 I. q+ l
5.39.217.76, U9 b1 R6 E3 J/ W$ L+ z5 x! J
所以話啫，香港嘅保育政策根本就係虛有其表，連古蹟辦嘅所作所為都係自打嘴巴，難怪保育人士抗議示威，警察會又拉又鎖剝光豬。

公器私用已經搵笨，原來古蹟辦仲有另一奇招——私器公用。即係咁，古蹟辦會失驚無神將私人樓宇列作一級歷史建築，等於頒令乜都唔准郁。一經點評，業主慘咯，賣又唔賣得，拆又唔拆得，物業變相充公，簡直一殼眼淚。tvb now,tvbnow,bttvb" t6 f, O! y( m

一來公器私用，二來私器公用，香港保育靠古蹟辦？唔係話唔得，難過曾蔭權為藍天打氣咁解啫。

歡迎光臨公仔箱論壇 (http://5.39.217.76/)