公仔箱論壇 - Powered by Discuz! Board

標題: 爛橋甩皮甩骨　廢橋不如廢官 [打印本頁]

作者: katspi 時間: 2009-9-13 07:57 AM 標題: 爛橋甩皮甩骨　廢橋不如廢官

審計署喺○七年狠批運輸署規劃失當，有五條行人天橋因使用率偏低而淪為「廢橋」，其中一條位於深水埗嘅天橋更加成為露宿者天堂。公仔箱論壇6 W0 Y" J* U# s5 M# S( G; U

以為青天大老爺開到口，運輸署被踢一腳會郁一郁，點知佢哋直情當審計署冇到，意見接受、一切照舊，直到今年四月，署方始終冇提出任何解決方案，真係畀呢班大懶蛇吹脹！

話時話，嗰幾條天橋雖然已成為幾乎冇人用嘅廢橋，但久唔久都有維修吓，未至於有即時危險，最離譜嘅係，有一條人來人往嘅「爛橋」，好似計時炸彈咁橫跨喺交通幹道上，運輸署竟然闊佬懶理，問你服未！

功夫茶講緊呢條甩皮甩骨嘅爛天橋，連接沙田新城市廣場及連城廣場，係接駁港鐵沙田站嘅行人天橋，橋下面係六線雙程嘅大埔公路沙田段，駕車人士來往大埔同市區嘅主要高速公路，每日嘅車流量高達十萬架次o架。
tvb now,tvbnow,bttvb/ ~# Y) r: ?6 ^* b
最得人驚係，咁繁忙嘅交通要道上面周不時有石屎剝落，往九龍方向三條行車線對上嘅天橋底，甩到布滿咗一個二個石屎窿，每個窿好似一個成人手掌咁大，最大嘅仲有成六呎乘三呎，鋼筋突晒出嚟唔在講，而且嚴重生銹添，真係睇見都心寒。5.39.217.76' Q: @) g# _1 I; M; X( ?0 W& s

至於往大埔方向行車線亦唔好得幾多。天橋外牆有四個大窿，碎石散滿公路石壆同埋路旁，一個唔好彩打到正，後果真係可大可小o架。
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。6 I9 a' r' d# E& D$ \
有工程師表示，唔好睇小石屎從天而降嘅威力，一呎乘一呎嘅石屎如果喺二十幾呎高嘅行人天橋跌落嚟，擊中時速五十公里嘅私家車，撞擊力有成一百二十六磅重，玻璃碎晒唔在講，一個唔好彩打中車內嘅人，隨時車毀人亡。今年六月之嘛，有部私家車中咗「頭彩」，好彩司機福大命大，車毀人冇事咋。

到底邊個咁離譜喺度埋炸彈？原來條橋由港鐵負責維修工作，佢哋喺今年初已經去信運輸署要求凌晨封路做維修工程，點知運輸署一直行拖字訣，至今仍然冇安排封路，港鐵只可以進行臨時維修，始終做唔到石屎修補工程。

喂，有冇搞錯呀，依家又唔係叫運輸署班懶官出手做維修，只不過係安排封路之嘛，凌晨封路進行工程成日都有o架啦，有幾難安排？一條甩石屎甩到好似落雨嘅爛橋，比冧樹更加危險，人命關天呀，點可以任得橋底經過嘅司機同乘客搵命博o架？
. ^" S- S8 R, n3 b4 V
不過，講嚟都嘥氣，運輸署向來都唔將人命當一回事o架啦，你睇吓嗰個小巴限速器，運輸署竟然要研究再研究，研究咗九年至話明年第一季開始安裝！仲有呀，旺角鬧市人車爭路都唔係一朝一夕嘅事情，油尖旺區議會八年前已經要求將位於洗衣街食環署倉庫、水務署旺角辦事處改建做交通交匯處，多得運輸署一直闊佬懶理，食環署同水務署當然賴死唔走啦，改建計劃依然遙遙無期。

計功夫茶話齋，廢橋可能仲有些少存在價值，但係「廢官」唔止阻住地球轉，仲草菅人命，所以，拆廢官比拆廢橋更加刻不容緩！

歡迎光臨公仔箱論壇 (http://5.39.217.76/)