公仔箱論壇 - Powered by Discuz! Board

標題: 禁煙不執法　管治勢失控 [打印本頁]

作者: jjwah 時間: 2009-8-24 10:02 AM 標題: 禁煙不執法　管治勢失控

本帖最後由 jjwah 於 2009-8-24 10:04 AM 編輯

唔經唔覺，香港實行禁煙條例兩年有多，「無煙城市」呢個咁偉大嘅理想有冇可能實現？今年七月，娛樂場所豁免期結束，煙酒從此分家，連酒吧都唔可以吞雲吐霧，煙民數目有冇減少？跟住落嚟，九月即將推出一千五百元定額罰款制度，而且進一步將有蓋交通交匯處納入禁煙範圍，衞生署控煙辦公室係咪可以打贏呢場禁煙戰？ . O- O" i- D4 }. L0 O2 C
講真，功夫茶始終係嗰句，如果真係想禁煙，最徹底嘅做法係將吸煙刑事化，香煙當毒品，如果唔係，禁煙冇可能成功。你去睇睇全港各大卡拉ＯＫ吖，名義上唔准吸煙，實際上冇人理你，閂埋門任你自製毒霧。其實又好難怪喎，做生意有邊個想趕客？娛樂場所老闆梗係以客為尊㗎啦，只要控煙辦唔踩上門執法，一個二個隻眼開隻眼閉。5.39.217.768 I& r9 \/ O0 l* e$ D( Z7 Z" q
問題係，控煙辦有冇咁多人手進行全港大搜查，每間娛樂場所都派人踩上門執法呢？當然係冇可能啦，於是乎，英明神武嘅特區政府就諗出一條絕世好橋嘞，佢哋將執法權力外判畀各個部門，康文署又可以執法，食環署又可以執法，房屋署又可以執法，總而言之，只要有人喺各個部門嘅管轄範圍以內吸煙，職員就有權醒佢一張「吸煙牛肉乾」，盛惠罰款一千五百大元。
計功夫茶話齋，絕世好橋其實係愚計笨策，正所謂，多老母等於冇老母，人人負責等於冇人負責，控煙注定失敗。事實上，幾個政府部門已經擺明車馬拒絕執法。食環署工會話喎，又唔夠人手，又怕被報復，捉煙民難度好高。康文署工會仲話，你叫圖書館館長等等文職人員去捉煙民，強人所難啫。至於房屋署，又係搞笑嘅，獲授權執法嘅係房屋事務經理等等三個高層職系，即使唔拒絕執法，試問呢班高層人士有幾何行出冷氣房？有乜機會見到亂放毒霧嘅煙民？TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。1 m' {+ N6 A8 L0 p) V0 O$ B
幾個部門拒絕執法之餘，最最最荒謬嘅係，連打正旗號反吸煙嘅控煙辦都醞釀變相罷工。有控煙辦督察指出，家陣內部士氣極之差，原因係工作量不斷擴大，其他部門又唔肯幫拖，加上未獲准轉入公務員職系，完全缺乏升遷機會。所以咯喎，控煙辦員工組成臨時工會，聲言喺九月一日推出定額罰款制度嘅同時，號召集體請病假，以示抗議咁話。" u: G- t$ g+ |0 P! j) V: Y& x
呢嗱嗱嗱，問你死唔死？控煙辦唔去控煙，各部門拒絕執法，禁煙條例簡直形同虛設。咁搞法，小市民固然受害於二手煙，又話陽痿又話肺癌又呢樣又嗰樣，其實受害更大嘅係成個特區政府嘅管治威信。你知啦，近來其中一個熱門話題係公務員集體作反，齊齊扭計要求逆市加薪，否則咯喎，又話示威又話罷工又呢樣又嗰樣。萬一公務員再以禁煙執法作為談判籌碼，功夫茶可以斬釘截鐵講一句，政府管治勢必失控失控！
唉，政府部門一個二個淨係掛住扭計，曾蔭權又冇辦法維持秩序，遲早有日，香港玩完！

歡迎光臨公仔箱論壇 (http://5.39.217.76/)