公仔箱論壇 - Powered by Discuz! Board

標題: 電子玩具少回收　環保高官太低能 [打印本頁]

作者: katspi 時間: 2009-6-1 09:27 AM 標題: 電子玩具少回收　環保高官太低能

今時今日做細路幾盞鬼o架，四月四日又係兒童節，六月一日又係兒童節。
tvb now,tvbnow,bttvb. K% {. j) p2 `6 m# h5 e7 i
一年之中點解會有兩個兒童節咁得意嘅呢？又唔見有兩個母親節或者父親節？長話短說，本來係四月四日嘅，一九四九年中華人民共和國成立之後，融入國際社會跟大隊，改為六月一日。當然啦，小朋友理得你咁多吖，總之呢兩日都係兒童節，甚至乎日日都係兒童節，為口奔馳嘅母親父親唔恨得咁多。

功夫茶細細個嘅時候，幾支雪條棍已經玩足成日，如果有幾粒波子彈吓彈吓，簡直開心到彈起。家陣小朋友幸福得多，玩具包羅萬有，連會行會郁會跳舞嘅機械人都有得玩，爽死。不過，以受歡迎程度而論，相信始終係電子遊戲機。莫講話小朋友鍾意打機，其實好多中坑大嬸一樣樂此不疲。5.39.217.76. G6 e+ f) z& a* X. l& w+ k" j
tvb now,tvbnow,bttvb6 s: H4 J( @9 x# r/ F- O2 p7 @7 e
環保組織地球之友做咗一項調查，發覺香港兒童平均每人擁有二點七部遊戲機，最多擁有超過十部，最少都有一部。本來，物質豐裕冇乜大不了，之但係，假如遊戲機壞咗，又或者過時嘞，唔再玩嘞，點處置呢？調查指出，只有百分之八點六受訪兒童會將遊戲機送贈慈善團體，只有百分之二點五會交畀環保署回收，大約四成表示會放喺屋企。

見到回收率咁低，地球之友就話嘞，電子玩具嘅零件含有鉛同埋鎘等等重金屬，如果當垃圾棄置，好容易污染環境，所以佢哋建議政府盡快提交相關嘅條例草案，令更多冇用嘅遊戲機以及其他電子產品可以妥善回收。

講真，你又確係唔可以怪責小朋友o架，試問環保署有提供回收服務咩？莫講話細路仔唔知應該點樣處理電子玩具，連大人都唔知報廢嘅電腦可以攞去邊度。5.39.217.76 g$ I7 n! s$ Z9 b3 @ ~. [$ ?
5.39.217.76# y! f- }: [" l+ c4 I" l; }( _
環保署係就係推出咗「流動車回收計劃」，理論上你係可以將電子廢料交畀政府。之不過咁，全香港就只得一千零一部流動回收車咁大把，而且淨係星期六同星期日出動，巡迴十八區需時半年。即係話，你好彩就半年見到一次，唔好彩呢，成世都見唔到。0 n9 B/ \5 X3 f- A3 L1 r
0 J; V1 K% u2 @( c8 ^# a* X
全港一年產生一百五十萬件電子廢料，流動回收車自從舊年出勤以來，至今只係回收咗千幾件電子廢料，回收率係百分之零點一。所以話啫，細路哥嘅環保意識其實唔算低o架喇，有百分之二點五會將電子玩具交畀環保署，比例已經高過流動回收車嘅效率。

唉，講起真係可悲，香港環保高官返工睇鹹網就叻，叫佢哋實實在在搞環保？一係就乜都唔做，一係就整色整水推出停車熄匙政策。啱啱先至有一單畸屎，有一架的士停車熄匙，乘客上車覺得冇冷氣好熱，即刻落車，司機唔忿氣爆粗，乘客將佢告上法庭，法官判冇禮貌嘅司機罰款一千二百元。由此可見，停車熄匙係幾咁擾民。
& R1 f* j# f8 a2 Z" W2 n, { S9 l
既然今日係六月一日，功夫茶祝各位低能嘅環保高官兒童節快樂！

歡迎光臨公仔箱論壇 (http://5.39.217.76/)