公仔箱論壇 - Powered by Discuz! Board

標題: [寬頻服務] 香港寬頻 Vs PCCW Vs 和記 Vs 有線 (寬頻家居+電話) [打印本頁]

作者: comuser 時間: 2009-4-24 10:09 PM 標題: 香港寬頻 Vs PCCW Vs 和記 Vs 有線 (寬頻家居+電話)

香港寬頻家居電話類似 PCCW 及和記，是獨立電話線到機房，即使自己屋企停電也不受影響(當然如果係屋外也大圍停電，那不論PCCW, 和記及HKBN也用不到電話)。至於會唔會慢1秒半秒真係留意唔到。

有用過有線家居電話都知其實有線是用寬頻電話技術(新世界都係)，即有少少似Skype，不過經過有線的Cable modem後可駁回正常家居電話。第一，你必須長開有線的Cable modem，就算有些人平時想不上網時關Cable modem機省電，那便電話也不能收。第二，不知為何，有幾個朋友貪平用有線，隔一排便有問題上唔到網，那就家居電話也不能用! 等有線上門維修，快則幾日，慢則一兩個星期先安排到上門維修都夠膽死。係就係每個月都平到大約一餐半餐麥當奴價錢，但你要有心理準備真係會好勞氣。

有留意開各討論寬頻既，HKBN質素唔洗多講。你一係PCCW，穩定，出海會較快，而又無需要upload要快。一係HKBN，穩定，出海較無PCCW快，但下載真是"神速"，又唔洗用modem，用少D電，Cat5e線直駁牆身插座。用BB100，多野download，如一些受歡迎又新的電視節目，用BT的話，你Harddisk如唔夠快真係分分鐘快到你頂唔順。1000 - 2000 KBps (係大B!)已是好等閒，受歡迎的種常常可達3000 - 5000KBps. 至於HKBN斷線，真係無印象多發生，或者1年有1次掛。如真係有常斷線情況，你用第二部電腦或問人借notebook試請楚係唔係真係HKBN條線有問題，如確定就係你斷線時打去CS幫你解決，如派師父維修，應該解決後不會再常有斷線情況。

除非你很喜歡用"李生"旗下服務或真係想每月節省少少食多一餐半餐麥當奴，又唔介意多個要用電的modem(和記10mb - 100mb 都要用modem)，又唔介意間唔鐘斷下線(如你唔好彩，便常常斷)。你可試下和記。老實講，和記都總好過有線。

有線除了有問題時會好煩，到就快約滿時更加係惡夢。以前要起碼1個半月前打去有線CS要求合約期後停用服務，否則會以正價多一兩倍價收你錢起碼屈你用多一個月。為何話以前係一個半月而唔係一個月通知，因有線CS會用D下九流招拖你。如話要寄終止合約form給你但寄成個星期都寄唔到，又或答應fax終止合約form給你但等極都收唔到fax。到你收到後簽好form又要你寄或fax返比佢時，又攪幾次佢都話收唔到，總之就多多籍口。你無返起馬兩個星期同有線個CS拉鋸，分分鐘就會跌入以上提及既唔足30日前通知陷阱，即使係有線拖你攪到你係第29天前才成功通知到有線，便需以正價多一兩倍價收你錢起碼屈你用多一個月(大約$250 - $400)。就算你仍堅持要cut，有線起碼最後額外個月先賺多你一筆。為何話以前起碼一個半月，因現在有線已單方面修改條款，無論新舊約，要求不少於2個月通知到期終止合約。有朋友在有線做，告知有線上頭覺這招好好用，香港人大多太忙，不會記起或趕唔切一個月前通知(其實應該係一個半月)，所以現時已擴大這招效用到2個月，再加上現實有線會用狗招拖你，你要起碼要2個半月前開始要通知有線取終止合約form。有人問點解有線終止合約form唔放上網比人download，那就可快D。好問題，有線係好多年前(起碼7,8年前)會告訴你會向上層反映或因技術問題，總之到現在有線都無正式提供終止合約form下載(無論係寬頻或電視都無)，真正原因當然係正如以上所講，有線內部根本就係教佢CS要千方百計阻你cut佢有線D服務(無論係寬頻，電視，電話)，你只要求其係 Yahoo 或 Google 上打 "有線終止合約" seach一下，就知有幾煩，有幾勞氣，有非常非常多人因此中招。有曾中招既人已Scan了有線終止合約form方便大家要cut有線，只要search一下便不難找到。所以話有線這差不多10年來一直連續高据"最多人投訴之電訊服務(包括寬頻，收費電線及家居電話)供應商"，可以話唔係講笑，真係有料到，名符其實。

作者: weaket 時間: 2009-8-1 02:27 AM

本帖最後由 weaket 於 2009-8-1 02:31 AM 編輯

真系有道理啵。不過關於有線終止合約的話有個簡單的方法比較直接就系直接達1832819打通就有人接，起碼無使打CS條熱線等甘內，又或者去門市FAX。

歡迎光臨公仔箱論壇 (http://5.39.217.76/)