標題:
[新聞]
成功捕獲！浪浪「堅強」VS義工 23天追逐戰如打獵 捕狗籠內拼死反抗 幸傷勢癒合健康良好
[打印本頁]
作者:
itsctsu
時間:
2022-7-17 08:16 PM
標題:
成功捕獲！浪浪「堅強」VS義工 23天追逐戰如打獵 捕狗籠內拼死反抗 幸傷勢癒合健康良好
[youtube]4LszSeBItoE[/youtube]
上月中，非牟利機構「毛守救援」的義工帶流浪犬「堅強」前往覆診途中，「堅強」突然逃走，經過23日的搜尋，昨晚（10日）凌晨4時許，終於在九龍城富豪酒店對面太子道東天橋底花槽捕獲。
毛守救援在fb出po指，「捉到嗰一刻，義工一起激動歡呼，感動到喊。」
毛守一班義工為了救流浪犬「堅強」想盡辦法，打風下雨一直堅持足足23日，終於在昨日凌晨4時許成功捕獲。毛守救援前線義工Kent指回想昨晚都覺得很驚險，「電閘閂咗之後，佢係拼死反抗，撞啦、咬啦、爆籠啦、咬掍啦，咬到成個口都流血！」Kent指「堅強」狗如其名，「永遠唔會屈服，佢真係好堅強，我捉過兩、三千隻狗，佢都係頭十位最強㗎喇！」「堅強」即場咬破了細籠，義工於是出動大籠，「籠中籠，因為佢爆得太犀利！」
昨晚的捕捉行動，毛守義工已經部署了四日，在太子道東天橋底花槽放置多部攝影機，了解「堅強」每日的出沒習慣，並設置天羅地網（捕狗籠），及擺放不同食物。四日後，義工們發覺「堅強」開始每日定時定點出現，入天羅地網進食，尾巴上揚顯得很自在，更會玩樂，於是決定展開行動。成功捕獲後，「堅強」現時在毛守位於深水埗的絕育中心休息，情緒穩定了很多，不再是天羅地網內的野獸，而是「任摸唔嬲」的綿羊，Kent笑這牠是「扮野王」，「知道無得走喇，就唯有同你合作啦，但唔好畀我見到你開咗道門罅，即刻會把握機會囉！」
「堅強」就是在6月16日把握到一次逃走機會，展開了23日的逃亡之旅，對義工來說，是23日的追逐戰！Kent坦言第一次捉狗像打獵，「佢去咗4、5個地方，全部都係花槽，車來車往中間個花槽位，23日入面有10日8日都係搵佢喺邊。」「堅強」的逃亡之旅由深水埗城大動物醫療中心外面開始，先在深水埗區徘徊數天，再沿彌敦道，由佐敦跑去尖沙嘴，經K11 Musea、太空館、星光大道、尖沙嘴碼頭等，去理工大學附近，再去黃埔花園，經土瓜灣到九龍城富豪酒店對面的太子道東天橋底。
Kent指「堅強」很懂得找藏身點，「佢搵親嗰啲地方都好有利於佢，佢好聰明，花槽上有水，土瓜灣又多嘢食。」Kent觀察「堅強」雖然瘦了，有點憔悴，但健康狀況是良好，頸後傷口亦已癒合，稍後待「堅強」情況穩定後，會帶牠到診所覆診。
或許有人會問，為何要大費周章捉一隻流浪狗呢？其實原本在大埔海濱公園生活的「堅強」傷勢很嚴重，Kent早前在同一日收到四個關於牠的求助。由於「堅強」感染了毛囊蟲，頸背有一大遍傷口，「全部都係蟲，血肉模糊，佢全身甩晒毛。」當時「堅強」四肢腫得如豬蹄並發紫，亦發出臭味，「我見到佢嗰時已經奄奄一息，但仲會攻擊我，同埋走得好快，佢一支箭咁就去咗沙灘。」幸得三位在汀角路踩單車的年青人指示，成功捕捉，「嗰三個年青人見到就話：『嘩！佢傷得好緊要，真係唔該晒你哋！』我話：『係呀！佢真係好堅強！』咁就叫堅強啦！」
及後，「堅強」需要長時間的治療和照顧，在獸醫診所住了差不多20日，由於醫療費高達16萬，毛守再無能力負擔，唯有接牠出院。其後，有義工每日為「堅強」洗傷口，過程牠都很乖，可以抱上抱落。由於當時「堅強」行動不良，連站立都成問題，所以毛守義工帶牠到城大動物醫療中心覆診時，未有將牠放進籠內，「如果擺入籠，佢隻腳會踩住籠底啲鐵絲網，對佢有傷害，所以我哋用狗車，再綁住兩條狗帶帶佢去。」不料，「堅強」在診所樓下突然發難，咬傷Kent和義工，再咬斷狗帶逃走。
經過今次事件，Kent覺得「堅強」可能想回到自己原本生活的地方，因為該處仍有幾個同伴。Kent指待「堅強」康復後，會安排牠做絕育和打晶片，然後就放回原地，「我哋捉咁多狗都明白，唔係每一隻狗都可以同人相處，夾硬迫佢坐喺梳化同人一齊睇電視，佢可能未必鍾意。」希望熱愛自由的「堅強」可以快點康復，回家找同伴。
作者:
manyiu
時間:
2022-7-18 05:37 AM
浪浪生活好可憐, 常常找不到食物就肚餓子, 風吹雨打又時不時遇到一些變態的 "畜生"傷害他們...
歡迎光臨 公仔箱論壇 (http://5.39.217.76/)
Powered by Discuz! 7.0.0
