公仔箱論壇 - Powered by Discuz! Board

標題: 對樸茅之我見 [打印本頁]

作者: puma8811 時間: 2009-2-8 06:40 PM 標題: 對樸茅之我見

再一次的3:2反勝, 今次沒有多得以眾敵寡的優勢, 切切實實讓我感覺到今年利記的心理質數比以前高.
當然, 有進步不代表我們今年會奪冠, 但誠然, 無論五月埋單可唔可以一搔十九年之癢, 我都對今年隊波表現收貨
以下係我對呢場波的見解

我自己覺得ben sir 係排出3-5-2. 後衛係a5, c23 & s37, 防中係a12 同m20, 攻中係b15, 左右兩邊係d2 同a17, 前線係b19 同ngog.
一睇, 我本身覺得如果班波打得出ben sir 的戰術, 係應該有d 睇頭. 結果一開波頭十五分鐘我地都係圍住對方黎攻. 感覺班波好似用慣呢個陣, 當然, ngog 表現唔突出係預計之內. 放生左b15明顯睇得出佢o既creativity. 另外a12 都打出令我喜出望外的表現, 代a14 打防中都有頗出色表現. 最後要提a2, 一直好多版友都覺得佢係今年的水貨, 但我一直覺得英超唔係個個都適應到o既聯賽. 何況佢o係udinese 打的是左翼衛, 而唔係正宗左閘, 打唔出我地希望的水準我真係唔太怪佢. 但今場ben sir 俾佢打哂成條左路, 出波水準都比之前高, 雖然都唔係高質數, 但無可否認攻同守都比之前好.

可能大家對ngog + babel 有所失望, 我都係. ngog 都算喇, 始終都係菜鳥, 呢場當佢吸收經驗. 何況keane 離開已成定局, 王子無可能之後打哂下半季的賽事, 俾機會佢係正常. 至於babel, 我唔想講d 咩負面野, 講左, 都對隊波無幫助. 總之我對佢真係無比失望.

之後場波變番五五波, 除左對手站穩陣腳之外, 我地班波的意識冇開波初段咁好, 可能踢落唔記得之前ben sir 的指示吧. 中場明顯係有d 亂, 組織唔到, 搞到前線完全冇供應, 亦睇得出一個b15 係無可能去帶動到隊波. 始終佢唔係大佬格, 有g8 或f9 lead 住佢踢至可以發揮佢極限.

情況去到失第一球前都係咁, 當然之前b19個黃金chance我以為入梗, 不過, sigh......

輸第一球, 可能係對手適應我地三中堅的漏洞, 結果輸o個球就俾人地搵到c23 同s37 之間的空位搵到食. 不過我對reina 有點微言, 即使最後都要輸, 我硬係覺得佢top fit 係應該點都會"hi" 到個波, 而唔係眼巴巴睇住個波o係手邊入左.

換入kuyt, 就係呢場波o既轉捩點. 佢o既努力, 迫到兩個old boys 出錯, crouch 回傳本來係冇咩問題, 不過係k18 撲埋去令到james 以為k18 會掂到個波而落地用手. 之後球indirect free kick 真係做得好好, 呢類禁區內的chance 我都唔係見入過好多波. a12 終於唔再只係o係training 入到罰球喇.

追番平手令到所有直播室巴打有反勝的希望. 不過球證的誤判同防守的失誤令我地差d 將league title 拱手讓俾曼x. 首先我唔覺得a12 係有犯規, 明顯佢係估到對手點做而食哂身位, 點會係阻人前進呢?! belhadj 斬得係靚, 但係zonal marking 出錯:

1.前點無人壓住hreidarsson,
2. c23 又企o係度想迎頂,
3. reina 又出少少哈碌場面.

輸到1:2, 我真係有點兒心灰. 不過又一次坐過山車.

kuyt 又成為反勝英雄, 第一球都係間接功臣, 呢球就直接建功. 係, 球波係帶點僥倖. 多得對手distin 出錯漏踢. 之後回防又清唔到k18 的腳下球, 俾k18 可以超窄角度射番個近柱. 剩係講finishing 呢一下, k18 好少令我地失望!!!!!! 睇慢鏡, 遠柱個b15 入左網都唔識得舉手慶祝. 好好笑.

當然, 最後都係靠我們的寵兒el nino, 再一次令我眼角流下淚水. 其實呢球同上場對車仔入o個球都係差唔多, o係左路撞左兩球one touch, 突破 offside, b15 出球唔算太靚o既傳中, 王子又衝前柱頂入. 我自己覺得即使冇人緊盯王子, 但係要o係冇咩助跑, 冇跳起原地頂個令james 撲到都入o既波, 真係唔簡單. 呢d 就係world class 的功架!!!!

至於man of the match, 我自己有兩個人選: a12 同k18. 反而唔係王子, 因為唔係佢兩個打出少少超水準, 我地根本冇可能反勝

作者: lebron1988 時間: 2009-2-9 05:17 AM

kuyt 18 !!! is the best for me

作者: peterzai 時間: 2009-2-9 11:21 AM

提示: 作者被禁止或刪除內容自動屏蔽

作者: fchansc 時間: 2009-2-9 03:29 PM

I love Red, thanks a lot

歡迎光臨公仔箱論壇 (http://5.39.217.76/)