公仔箱論壇 - Powered by Discuz! Board

標題: [新聞] 日本動物園北極熊變綠色獸醫：本來就不是白色！ [打印本頁]

作者: manyiu 時間: 2020-10-7 06:58 AM 標題: 日本動物園北極熊變綠色獸醫：本來就不是白色！

2020年10月6日週二

香港去到10月天氣照樣炎熱，可見全球暖化真係愈嚟愈嚴重。日本愛知縣豐橋綜合動物園因為天氣尚未轉涼，園內北極熊仍然要住於冷氣房內，日前更於社交網站貼上兩隻北極熊好舒服咁橫躺於地上涼冷氣嘅相片，不過網民焦點都係北極熊皮毛顏色居然變成綠色！

好多網友都擔心北極熊係咪生病，後來連動物園獸醫都要出聲，留言指北極熊皮毛原本就唔係白色，而係無色透明，不過由於於雪地上有反光效果所以望落係白色。而動物園中嘅北極熊由於經常浸於園內嘅水池之中，水池因為天氣熱導致有唔少藻類生長，令長期浸水嘅北極熊都被「綠化」。

獸醫表示完全屬正常現象，唔會影響北極熊健康。事件又引起日本其他動物園關注，都紛紛貼出園內被綠化嘅北極熊照片呢！

就係呢張北極熊綠化照片，引起網友疑問。（圖：愛知豐橋動物園）

其他動物園都貼上北極熊綠化照片，都係因為池水所致。（圖：名古屋東山動植物園）

天氣太熱，北極熊都喜歡浸於水中消暑。（圖：名古屋東山動植物園）

多謝 prodigydou 提供

歡迎光臨公仔箱論壇 (http://5.39.217.76/)