公仔箱論壇 - Powered by Discuz! Board

標題: 我想總結一下輸波既原因 [打印本頁]

作者: puma8811 時間: 2008-11-2 11:36 AM 標題: 我想總結一下輸波既原因

第一, 天氣, 唔係賴地硬/濕/, 問題係我地今年打PASS AND MOVE, 你見利亞拿D 波好唔順, 杜辛拿比班拿約個球直線都離奇大力, 控波十之七八都唔係自己控制之內, 下半場尤其明顯

第二, 引申出泥既問題, 唔識變通, 點解係咁既情況下仲要打地波地面進攻, 係咪可以變一下, 雖然我地無高大中鋒, 但我覺得我地有既條件係遠射, 再搵D 捕位叻既前鋒例如古治執, 我覺得總比夾硬做入去好, 尤其係堅尼個種對做就隊友既執著, 可以係岩時候變一下

第三, 二閘, 其實近三場唔見左二閘既OVERLAP, 尤其係艾比路亞, 對車仔, 做防守OK, 對PORTS, 同PENNAT 唔夾, 都OK, 但今場面對阿蘇, 哥魯卡, 而且夾住古治, 咁OVERLAP 我有D 失望, 亦都覺得佢係打得比較失準既一位, 杜辛拿個邊反而我覺得OK, 有進步

第四, 防守唔夠硬淨, 四位都有呢個問題, 對方野野勢兇夾狼咁, 其實硬淨, 甚至有些少FOUL 泥嚇一嚇對方我覺得係必要既, 你見到後尾人地前面幾個個勢食住晒我地... 其實真係自己一手做成, 特別二閘, 面對對方兩邊攻勢, 縮多過撲, 太被動

第五, 運氣.... 我無野好講了....

第六, 要讚下對方, 個鼓勁... 真係值得佢地有收鑊, 佢地個鼓勁.. 同我地上星期拆車不枉多樣, 當然, 對面都係無咩章法, 大腳斬埋去, 如果呢個係哈利既部署, 我更覺得佢叻, 一來, 我地中堅高波係比較弱既一環, 二來, 落大雨打地波(雖然佢地技術型球員比我地仲多), 結果真係比佢地"撼"贏一兩次, 就KO 我地, 而且防守京治同肥東真係做足本份, 將我地既威脅減得好低

總括, 如果我地將輸波簡單演繹成係唔夠運加天氣既結果, 我地就真係太天真, 亦唔配做真命天子, 其實呢場可以學到既野應該好多, 尤其係點樣面對住一D 無章法一味靠擁既球隊(今季第三次, STOKE, POSRTS, SPUR, 結果其實真係都麻麻), 以及面對惡劣天氣, 以及點樣加強每個進攻點既侵略性, 都係可以進步既地方

希望RAFA 都可以睇到呢D 問題, 應該話比我地睇到更多問題, 作出改善, 今年已經進步左好多, 再改善埋呢D 地方, 咁我相信我地將唔會再怕任何球隊

歡迎光臨公仔箱論壇 (http://5.39.217.76/)