公仔箱論壇 - Powered by Discuz! Board

標題: 長者卡搵笨 [打印本頁]

作者: nt1972 時間: 2008-10-24 01:53 PM 標題: 長者卡搵笨

長者望穿秋水希望政府增加生果金，終於等到有望增至一千元，但卻要引入資產審查，敬老頓變辱老，激起民憤。政府圖令長者「收貨」，聲稱會擴大長者卡優惠，但更諷刺的是，現時有八千多間商戶參與長者優惠計劃，看似種類繁多，但其實卻是假象，因參與商戶當中竟包括與長者扯不上關係的纖體公司、玩具店和卡拉OK等，部分商戶指十多年來長者卡使用率近乎零，更有名單上的商戶聲稱從沒參加計劃。長者、商戶及立法會議員齊轟，長者卡只是敬老政策的又一把戲，更質疑政府將敬老責任推卸給私人機構，反映政府的敬老誠信破產。

「政府要敬老就應該加生果金，但加幾百蚊都咁勉強，突然又咁闊佬話畀多啲長者卡優惠，咪又係呃人！加多幾千間優惠又點？我哋根本就冇錢買嘢！」七十多歲的鍾婆婆，怒斥長者卡實際用途不大，但社署轄下的長者辦事處職員，卻大讚長者卡用途廣泛：「長者卡唔只可半價搭車咁簡單，喺各區買嘢都有優惠，參與商戶嘅門口會貼有黃色標貼，好易識別o架！」長者卡推出逾十四年，社署指至今逾七十九萬名長者領有長者卡，佔本港六十五歲或以上人口的九成。
$ c9 c2 S2 R; _( j
宣傳不足以為搭車至有半價5.39.217.76( l- H, J/ d0 q7 R1 l
剛滿六十五歲的陳先生，與太太到灣仔的社署長者辦事處申請長者卡，但職員沒有向他講解長者卡的用途，更沒有向他提及隨卡附送《長者卡計劃優惠手冊》內的消費優惠：「朋友介紹先識嚟申請（長者卡），我以為淨係可以半價坐車咋，乜用嚟買嘢有特價o架？」對長者卡的優惠明顯是一知半解。5.39.217.762 H& c7 t6 l" G
4 K3 W- O6 E; W' k- m
事實上，即使已經領有長者卡多年的長者，亦是對其用途不清不楚。持長者卡逾十年的李婆婆直言：「除咗搭車，十幾年都冇用過（長者卡），政府諗住搵多幾間舖頭畀折頭，就想慳番啲生果金？慳啲啦！」同樣持有長者卡的楊伯，亦對購物優惠一無所知：「社署啲人幫我申請，但無聽過有優惠，唔知邊度有資料攞喎！」

無視長者需要搵埋校服公司
除了長者一頭霧水之外，參與計劃的商戶亦炮轟長者卡除搭車優惠外，實質作用成疑。記者細閱《長者卡計劃優惠手冊》，發現包括了一些與長者拉不上關係的公司，如訂製校服的公司、美容中心和卡拉OK等。一間表列的美容纖體公司老闆梁小姐批評，當日政府邀請她參加計劃時，根本沒考慮是否切合長者需要：「政府亂搵商戶參加，纖體服務根本唔啱老人家，佢哋抵抗力弱，亂咁用儀器好危險，而美容又係高消費，未必啱長者！」
. j( Y8 x' t% b+ q/ X
社會福利界立法會議員張國柱批評，擴大長者卡優惠只是數字遊戲：「當長者連生活都成問題，畀你多一百間金行、海味店有優惠又點？可能有九十九間係唔啱用。」他指出政府的敬老誠信跌進谷底，若不懸崖勒馬，民望只會繼續插水。

議員：增藥物交通優惠更實際
立法會議員陳偉業批評，政府提出擴大長者卡優惠，只是想充撐場面，實際作用不大，又質疑長者卡的優惠未能配合長者生活需要，直指增加藥物折扣或加強交通費的優惠對長者更見實際：「有啲專線小巴、渡輪現時都未有長者優惠，娛樂消閒項目對長者而言根本係好次要嘅嘢。」5.39.217.760 C( d# E& W8 @' F R. q
公仔箱論壇5 \$ v; ~, Y o9 J4 l
老人權益促進會主席陳鑑銘形容長者卡帶有商業性質，並非真正的敬老：「老人家平時唔買嘢，點攞優惠？最好嘅方法係無資產審查嘅生果金，令佢哋唔會被標籤為窮人，晚年過得有尊嚴。」他認為政府應效法內地，讓長者周六、日免費乘搭交通工具。香港社區組織協會主任何喜華怒斥，擴大長者卡優惠是火上加油，令長者更不滿：「政府連老人家需要乜都唔知，最實際就係增加醫療福利！」
公仔箱論壇. g$ }' |# C+ W2 l- k+ h( h

政府的生果金政策鬧得滿城風雨，令不少長者感到受辱。

作者: michaelyhlui 時間: 2008-10-24 05:13 PM

政府做事認真妙, 長者優惠得啖笑. 橫眉冷對千夫指, 特首堅持舞照跳.

歡迎光臨公仔箱論壇 (http://5.39.217.76/)