公仔箱論壇 - Powered by Discuz! Board

標題: [新聞] 村貓慘遭惡犬追趕咬斃疑神秘女招惹流浪狗入上水圍 [打印本頁]

作者: itsctsu 時間: 2018-10-20 06:05 PM 標題: 村貓慘遭惡犬追趕咬斃疑神秘女招惹流浪狗入上水圍

上水有村貓懷疑被狗咬死。網民Cheung Sui Hong‎ 圖片

上水圍發生野狗懷疑咬死流浪貓事件。上水圍有居民在社交網站Facebook發文，指多次目睹多隻大型犬在村内在追咬流浪貓，近日更有貓隻遇害。網民擔心村內流浪貓的安危，呼籲網民找出招惹野狗入村的可疑女路人，並想辦法保護貓隻，「其實都好危險，希望有人幫到手」。

網民在群組「North District 北區」發文，問有無人見過「凌晨會有4-5隻大狗喺寶石湖路隧道附近跟路人走入上水圍？因為每隔一段時間嘅凌晨3-6點左右都會出現喺上水圍下北村附近追貓」，網民更指「今次有隻貓仔走唔切比班狗咬死咗」。

網民透露，「聽鄰居講，見過凌晨喺隧道有一班狗跟住個女人入上水圍」，希望得知狗隻是從哪裏走入去村，或者如果人知道是誰人比狗跟住入上水圍，希望可以通知當事人令狗隻不再跟入村。網民指，「平時都唔見上水圍有流浪狗，加上附近都好多貓」，「試過一次一打開門有5隻大狗係我門口超兇咁吠貓，點嚇都嚇唔走班狗，連我都淆底唔敢出去」。他指，前晚見到幾隻狗一見到貓就好兇狠，是完全唔敢行過去。

其他網民關注事件，有附近居民稱「山竹打風嗰日眼見11隻狗喺圍門口走出走入」，有人更指「我有日夜晚9點放工，都係醫院門口比2隻狗跟，心諗點解依度都有狗，嚇死我」，又有人透露「我成日見一群黑色大唐狗，唔怕人要大叫佢走佢哋識聽」。有人擔心，「會唔會好似台灣咁…有啲人特登放狗殺貓…」。

歡迎光臨公仔箱論壇 (http://5.39.217.76/)