Board logo

標題: [討論] 再论C朗离队对曼联嘅连锁反应 [打印本頁]
作者: brightcjy    時間: 2008-8-6 08:40 AM     標題: 再论C朗离队对曼联嘅连锁反应

    擒晚，将呢排对曼联嘅忧虑一次过讲嗮出嚟，冇谂到得到咁多人回应，我系呢度再讲一下我对C朗嘅睇法。
    我一开始之所以会咁嘅谂法，并非系空穴来风。各位如果系曼联Fans应该仲记得2002年，当时同样系身著曼联7号嘅碧咸离队，至于后嚟对曼联嘅轰动，大家都有眼见啦，系此后嘅曼联就一撅不振，曼联呢队昔日嘅皇者就足足有3年冇染指过联赛锦标啦。
    当时碧咸嘅地位可能仲唔及目前基斯迪亚奴，况且碧咸当时已经28岁啦，但佢对曼联嘅效应都如此，更何况系宜家目前状态如日当中嘅基斯迪亚奴。
有朋友回应话，C朗下季状态未必会咁好，再加上下季其他球队会对佢看护有嘉。如果真系咁就太好啦，其他球队将自己大部分兵力都放到咗一个咁嘅人身上，咁冇论曼联系进攻定系防守都会游刃有余，要轻松取得胜利都唔系难事。反过嚟讲，    当年碧咸离队后，其他球队同曼联打，由于冇咗碧咸系右路嘅强大火力，佢哋对曼联发动进攻都肆无忌惮，呢个亦系曼联之所以连续3季都冇好成绩嘅根源所在。咁宜家呢种情况套番系基斯迪亚奴身上就再合适不过啦，佢状态好嗰时作用不言而喻啦。仲使佢冇状态，上咗场其他球队都会有所顾忌，进攻就唔会倾巢而出，咁样对曼联同样冇损失。
直到近2年，曼联揾到咗新7号碧咸嘅接班人先重振雄风。点知啱啱稳住咗镇脚，宜家又搞单咁嘅嘢出嚟，你话唔闭翳就假啦。有朋友也讲当年都有简东拿、坚尼等人离队，简东拿离队有坚尼顶上，到坚尼离队佢早就唔系曼联核心啦，同目前基斯迪亚奴离队嘅情况根本不可同日而语。
    事实仲系事实，曼联老细格沙如果最后真系接受咗6500磅嘅报价，咁喺嚟梗嘅新赛季曼联就会系惊涛骇浪中渡过。或者系因为当年碧咸离队嘅阴影我仲一直历历在目啦，我可能对此事睇得太悲观啦。目前，助教基椰斯已经走咗，如果连C朗都走埋对曼联产生嘅后果真系要睇过先知啦。老实讲6500万磅确实系个好价钱，但就快开季啦，短时间之内6500万磅真系有钱冇订使。我就觉得3800万磅买贝比托夫就认真唔值啦。
    咁就最后希望C朗如真系离队唔好对曼联影响咁大啦，如果真系有可能尽量留多佢一年，等曼联有所适应先畀佢走啦，起码系呢一年时间内曼联可以揾到新嘅进攻点，咁样曼联就有足够时间去缓冲下。

[ 本帖最後由 brightcjy 於 2008-8-6 08:41 AM 編輯 ]
作者: cristiano1447    時間: 2008-8-6 09:05 AM

留多一年就当然最好呐，但是我睇CR都是反骨格噶呐（虽然我好中意距啊）
不宜MU真是要左果65~70M来买过其他人~MU今年既阵容厚度系未够既~
另外一样野就是CR既离去就正如楼主所讲既阵痛就实有噶呐，MU既进攻会变得缺少渗透性同埋两个边路既晤讲道理既侵略性
WR其实因为有CR系度为战术牺牲晤少，如果释放翻距既进攻，我个人觉得晤会有太大问题
哩个时候就睇下费SIR罗果旧钱买左D咩人，给予球队一D点样既元素了
作者: tshek    時間: 2008-8-6 09:57 AM

C7上季係時勢做英雄,究竟佢可唔可以英雄做時勢仲係未知之數
作者: 我系一督屎    時間: 2008-8-6 10:05 AM

睇完你篇野真系好多观点我都吾同意
碧咸走居然系曼联三年无夺标概主因，睇黎你真系好爱碧咸阿。但我就觉得以下几点先系果三年沉迷概主因
03-04赛季阿仙奴以不败登顶，睇怕就算宜家概c郎在阵中都好难撼动枪手优势。
04-06两个赛季费sir迷失左系排兵布阵上，4411系费sir一直系度演练概新打法，但系可惜队中班球员踢左442成10年，始终适应吾到新打法，导致成绩时好时坏。呢两季好多有素质概新球员加入丰富左前场概组合变化，费sir亦都因应排阵改变打法，上季甘好成绩个人觉得费sir先系主因，好多场临场调度令人拍案叫绝，呢个先系曼联重登榜首概主要原因
仲有个原因就系后防，03-04失35球、04-05失26球、05-06失34球、06-07失27球，而上季只失22球。以目前概后防配备可以话未来几年都好稳固，所以曼联都会系夺标大热。
一个健康，团结概俱乐部系吾会因为个别球员概离去而产生动荡概（主教练可能会）

[ 本帖最後由 我系一督屎 於 2008-8-6 10:19 AM 編輯 ]
作者: tok    時間: 2008-8-6 01:28 PM

原帖由 我系一督屎 於 2008-8-6 10:05 AM 發表
睇完你篇野真系好多观点我都吾同意
碧咸走居然系曼联三年无夺标概主因，睇黎你真系好爱碧咸阿。但我就觉得以下几点先系果三年沉迷概主因
03-04赛季阿仙奴以不败登顶，睇怕就算宜家概c郎在阵中都好难撼动枪手优势。
04-06 ...
正當大家係到講緊c7進攻點點點，無佢點點點時候：
屎兄講到最重要一點：防守！

舊年當然c7fit贏晒
但後防唔穩既話，c7點會甘放心上去攻

而其實舊年贏係反守為攻時既速度
1:唔守得好，點反守呢！
2:舊年和既幾場，係因為對手主守，拉唔開，入唔到波（甘自己唔係和就lose)
正如：brightcjy兄所講：
由于冇咗碧咸系右路嘅强大火力，佢哋对曼联发动进攻都肆无忌惮
甘就岩啦，無左c7佢地攻，朗尼+泰維C+nani D高速反攻咪就岩岩好用囉



歡迎光臨 公仔箱論壇 (http://5.39.217.76/) Powered by Discuz! 7.0.0